Mtuletelo 18:12 - Bhiblia Yo Sawuleka

¹² Mirwalo ya nzalama ni ya silivela, marigwi o dhula ni tidhayimana, tinguwo ta linya ni disilika, ni sedha ni tinguwo to bhilivila, ni totshe tixaka ta mapulango o bhumula, ni simaha sa kumahwa ngu makwasa a tinzofu; ni mapulango a lisima la hombe, ni siya sa koporo ni sa simbi, ni sa marigwi a lisima;

Mtuletelo 18:12 Referans Kwoze

Mtuletelo 17:4

Wamsikati a ti ni syambalo sa masilika o bhilivila, a di bombile ngu nzalama, ni marigwi a lisima la hombe ni maperola; manzani a ti ni digombe do mahwa ngu nzalama, di di tate ngu sa manyala: I nzambwa ya wugelegele wakwe.

2 Makronika 2:8

Ni rumele kambe mapulango a mikedhari, mafaya, ni algumini a Libhanoni; nguko na tiziva ta ku sithumi sako sa tiziva kuwila mapulango ani Libhanoni; se sithumi sangu si na va ni sithumi sako,

Nahume 2:9

Honyolani silivhela! Mi honyola ni nzalama! Nguko tithomba kha ti gumi, siho sotshe so maha sa tixakaxaka, so tsakisa ngutu.

Mtuletelo 17:3

Ngelozi yi to ni teka ngu mu ka moya yi ni yisa txiwulani, ahawa ni nga ya wona wamsikati a di khalahatshile txitimwi ka txikalani txo bhilivila, txi di tate ngu matina o ruketela, txi di ni mtxhanu wa misungo ni mimbidi ni digumi da titxheho.

Mtuletelo 18:15

Vaxavisi va simaha siya, ava va nga ti mana dibhindu ngu mhaka yakwe, va na ema ngu kule, ngu kuthava kuxaniseka kwakwe, se va txi dila ni kupeka tihuwa,