Mtuletelo 18:11 - Bhiblia Yo Sawuleka

¹¹ Vaxavisi va ha mafuni ni vona va dila ni kupeka tihuwa, ngu mhaka yakwe, nguko awalo wu a xavako mirwalo yakwe:

Mtuletelo 18:11 Referans Kwoze

Mtuletelo 18:3

Nguko ene a levisile mifumo yotshe ngu vhinya ya txiviti txa wugelegele wakwe, vafumeli va ditiko va mahile nayo wugango, vaxavisi va ha mafuni va mahile va nyatithombe, ngu mhaka ya kubomba kwakwe ka wubhemba.”

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 18:15

Vaxavisi va simaha siya, ava va nga ti mana dibhindu ngu mhaka yakwe, va na ema ngu kule, ngu kuthava kuxaniseka kwakwe, se va txi dila ni kupeka tihuwa,

Zefaniya 1:11

Pekani huwa anu vaaki va Makitesi, nguko votshe vathu Vakanana va gumile, votshe vanyatimale va hoxotilwe.

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Isaya 47:15

Va na mahisa toneto kwako vale u nga thuma navo, vabhindulisi vako, kukhukhela wuphyani kwako; mmwani ni mmwani a na teka nzila yakwe; ni wammweyo kha na mbi kuhulukisa.

Matewu 22:5

Aniko vona kha va khatala ngu tona, va to ti tsulela mmweyo a txi ya thembweni kwakwe, ni mmwani a txi ya mabhinduni kwakwe.

Johani 2:16

A txi gela va va xavisako situvani a txi khene: “Thavisani sotshe siya hawa; mi nga tekeni nyumba ya Tate wangu mi yi maha nyumba ya mabhindu.”

Mavingu 3:14

Nguko i txhuko siya sa wutxhari kupinda siya sa silivhela, ni dibhindu da kona kupinda nzalama yo hehuka.

Isaya 13:19

Se Bhabhilona, ditiko do tshura, kupinda matiko otshe, adi Vakaldheya va ti dhumisako ngu dona, di na fana ni Sodhoma ni Gomora, mbimo yi Txizimu txi nga ma haxula.

Ezekhiyele 27:9

Madhota a Gebha ni titxhari ta kona, ngu vona va nga txi lemetela tifa; sotshe sitimela sa lineneni ni vatsimbitisi va sona, va ti ti maha mabhindu ako.