Mtuletelo 17:5 - Bhiblia Yo Sawuleka

⁵ Ha mbanza kwakwe ku ti bhatwe ditina da msisalo, daku kha dona: “Bhabhilona wa Hombe, mame wa magelegele ni wa sa manyala sa ha mafuni.”

Mtuletelo 17:5 Referans Kwoze

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Mtuletelo 17:7

Aniko ngelozi yi ni gete yi txi kha yona: “U xamala txani kani?” Ani ni na ku txhamusela ta msisalo wa wamsikati wuwa ni wa txikalani txiya txa mtxhanu wa misungo ni yimbidi ni digumi da titxheho, atxiya txi nga mu rwala.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

2 Vatesalonika 2:7

Nguko, mitamo ya wubihi ayi yi nga sisala, ya thuma ni konkuwa, aniko yi thuma dwe kala e thaviswa awule a yi tsivelako.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Mtuletelo 11:8

Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Mtuletelo 7:3

“Mi nga onheni mafu ni linene ni mindonga kala kuza hi txi veka sikombekiso, ha mbanza ka sithumi sa Txizimu txathu.”

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Mtuletelo 17:1

Se yimweyo ka tingelozi ta mtxhanu ni timbidi ti nga ti ñote mtxhanu wa magombe ni mambidi yi to ta yi ta ni gela tiya: “Ngono, ni ta kukomba kulamulwa ka digelegele da hombe, di nga khalahatsha ha mabambe ka mati o tala,

Mtuletelo 17:2

vafumeli va mafu va mahile wugango nado, se vaaki va ha mafuni va levile ngu vhinya ya wugelegele wa dona.”

Ezekhiyele 16:35

Ngu tona eto, awe digelegele engisa dipswi da Mkoma.