Mtuletelo 17:3 - Bhiblia Yo Sawuleka

³ Ngelozi yi to ni teka ngu mu ka moya yi ni yisa txiwulani, ahawa ni nga ya wona wamsikati a di khalahatshile txitimwi ka txikalani txo bhilivila, txi di tate ngu matina o ruketela, txi di ni mtxhanu wa misungo ni mimbidi ni digumi da titxheho.

Mtuletelo 17:3 Referans Kwoze

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Mtuletelo 17:18

“Ngu kugwitisa, wamsikati wu u nga mu wona, i Didhoropa da Hombe di fumako vafumeli va mafu.”

Mtuletelo 12:6

Se wamsikati e thava e tsula txiwulani, ahawa a nga ti lulamisetwe wukhalo ngu Txizimu, kasi kuve zumba ve mphamela sakudya mndani ka txipimo txa 1.260 wa masiku.

Mtuletelo 17:4

Wamsikati a ti ni syambalo sa masilika o bhilivila, a di bombile ngu nzalama, ni marigwi a lisima la hombe ni maperola; manzani a ti ni digombe do mahwa ngu nzalama, di di tate ngu sa manyala: I nzambwa ya wugelegele wakwe.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Mtuletelo 21:10

Ngelozi yi to ni teka ngu moya yi ni yisa txitimwi ka mmango wo lapha, yi ni komba didhoropa do sawuleka da Jerusalema, adi di nga txi relela ngu nzumani, di txi ta ngu ka Txizimu.

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Ezekhiyele 11:24

Msana keto, Moya wu to ni khukhisa wu txi ni gula ngu txiwoniso kala didhoropani, ka vale va nga ti ti wukhumbini; se txiwoniso txile ni nga txi wona, txi to khukha.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Ezekhiyele 3:12

Se Moya wu to ni gula, nipfa dipswi msana kwangu, da kubhonga ngutu, di txi kha dona: Wu na kateke wudhumo wa Mkoma, ha wukhaloni kwakwe.

Ndando ya Tindando 8:5

I mani wule a tako ngu didhawa da txiwulani, a di khutarete txirandwa txakwe kani? Ni ku wusile u di hahatshi ka mndonga wa mahapula, aha mwamwako a nga lumwa a di kona, ahawa a nga kuvelekela kona.

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

2 Vafumeli 2:16

Sekoko va to kha vona kwakwe: Wa txi wona txithumi txako ni mtxhanu wa magumi a tindena; va leke ve tsula kuya teka mthangeli wako; ti nga nda maheto na a di gutwe ngu Moya wa Mkoma, wu txi ya mu tshotsha ka wumwewo wa mmango, mwendo ka mkova wokari. Sekoko ene a txi khene: Mi nga va rumeleni.

1 Vafumeli 18:12

Se ti ndi na maheka to, ni txi na khukha hawa kwako, Moya wa Mkoma wu txi kuteka, mwendo wu txi kuyisa hani, se ani ni txi tisa thenga ka Akabe, asi ku mani awe a na ni daya; ngukonaho, ani txithumi txako, ni thava Mkoma kukhukhela ka wufana wangu.

Mtuletelo 4:2

Kunukunuko ni to susumetwa ngu Moya: Konako ni to wona txikhalo txa wukoma nzumani, se ha txikhaloni ku ti ni mmweyo a nga ti khalahatshile ka txonetxo txikhalo txa wukoma.

Mithumo 8:39

Ku ti ngako va di humile, Moya wa Mkoma wu to gula Filipi, se mthangeli wule wa mthenwa, kha a swa e mu wona kambe; aniko a to ñola nzila yakwe eya masoni ngu kutsaka ka hombe.

Matewu 27:28

se va txi mtshambula syambalo sakwe, ve mu ambalisa nguwo yo bhilivila.

Mtuletelo 18:12

Mirwalo ya nzalama ni ya silivela, marigwi o dhula ni tidhayimana, tinguwo ta linya ni disilika, ni sedha ni tinguwo to bhilivila, ni totshe tixaka ta mapulango o bhumula, ni simaha sa kumahwa ngu makwasa a tinzofu; ni mapulango a lisima la hombe, ni siya sa koporo ni sa simbi, ni sa marigwi a lisima;

Mtuletelo 18:16

va txi kha vona: “Ayiwe, ayiwe, Didhoropa da Hombe! Adi di nga ti ambala linya ya lisima; disilika ni nguwo yo bhilivila, di nga ti ti bombisa ngu nzalama, marigwi a lisima ni tidhayimana!