Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.
Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.
A to womba ku khene: Txihari txa wumune i mfumo wa wumune wa ha mafuni, wule wu no hambana ni yotshe mifumo; wu na khadamula otshe mafu, wu ganyatela ngu mikondo, ni kuphatulela.
Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.
Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.