Mtuletelo 17:15 - Bhiblia Yo Sawuleka

¹⁵ Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 17:15 Referans Kwoze

Mtuletelo 17:1

Se yimweyo ka tingelozi ta mtxhanu ni timbidi ti nga ti ñote mtxhanu wa magombe ni mambidi yi to ta yi ta ni gela tiya: “Ngono, ni ta kukomba kulamulwa ka digelegele da hombe, di nga khalahatsha ha mabambe ka mati o tala,

Jeremiya 51:55

Nguko Mkoma wa khundumusa Bhabhilona, a na fuvisa ni dipswi da kona: Kubhibhika kwakwe ku na fana ni mavimbi a mati amangi, ku na pfala ni diguwa da ona.

Jeremiya 51:13

O awe u zumbako ka matiko amangi, wa kufuma ngu tithomba! Ma hokile magwito ako, mpimo wa likungo lako.

Mtuletelo 11:9

Vathu va otshe matiko, ni totshe tixaka, ni totshe tidimi ni yotshe mifumo va na wona sirumbi sa tona mndani ka masiku mararu ni hafu, ve tsimbisa ti to si si kelelwi sirumbi sile.

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.

Masalmo 18:4

Ni randetwe ngu titxhini ta lifo, ni minambo ya wubihi yi ni fenengetile.

Jeremiya 47:2

Mkoma a khene: Ndiya ma guleka mati a Wuphemba, ma na maha mnambo wu khulungako ni kuthekelela, ma na talela ditiko ni wungi wa sotshe si kuho ka dona, didhoropa ni votshe va zumbako ka dona; vavamna va na peka huwa, ni votshe va ku ditikoni va na dila.

Ezekhiyele 31:4

Mati ma wu milisile, wu txi kuliswa ngu kuhokoma, mati a kona ma ti ti khulunga ma txi ya ka siyalo sa wona, ma txi dhoda milonga yo theletela ka yotshe mindonga ya thembweni.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.