Mtuletelo 17:14 - Bhiblia Yo Sawuleka

¹⁴ Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 17:14 Referans Kwoze

Varoma 8:30

Avale txi nga va sikela ngu kale, ngu vona va txi nga va dhana; se avale txi nga va dhana, ngu vonavo txi nga va maha valulami; se avale txi nga va maha valulami ngu vona txi nga va ninga wudhumo.

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Matewu 22:14

Kha ditshuri mbavangi va nga dhanwa, aniko mba dotho va nga sawulwa.”

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mtuletelo 16:14

nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

1 Vakorinto 15:24

Magwito ka totshe, ngu mbimo yi Kristu a no tshumela e ningela Mfumo ka Txizimu Tate, msana ka kuva a di fuvisile kotshe kufuma, ni wotshe wukoma ni yotshe mitamo.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Mtuletelo 11:7

Mbimo yi ti no heta kufakaza ka tona, txikalani txi txi humako ngu diphalani ko hokoma txi na lwa nato, txi ti xula, txi ti daya.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Dhaniyeli 7:21

Ni to wonetela, ni wona litxheho lonelo li txi lwa ni vasawuleki, li va xula.

Jeremiya 1:15

Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Varoma 1:6

hagari kwawe nanu mi dhanwi, ku ta maha va ka Jesu Kristu.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.