Mtuletelo 17:13 - Bhiblia Yo Sawuleka

¹³ Vafumeli vava va na ni kupima kumweko: Kuningela wufumeli wawe ni wukoma wawe ka Txikalani.

Mtuletelo 17:13 Referans Kwoze

Mtuletelo 17:17

Nguko Txizimu txi si ningile mbilu ya kumaha makungo a txona, ngu mapimo mamwani: Kuningela wukoma wa digelegele ka txikalani, kala kuza mapswi a Txizimu me hetiseka.

Vafilipiya 2:2

tatisani kutsana kwangu, kasiku mi va ni myalakanyo yo fana, lirando limwelo, mbilu yimweyo ni moya wumwewo.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

Ezekhiyele 38:10

Mkoma Txizimu a khene: Se ku na maheka ka dona ditshiku dile taku, u nave ni kualakanyela mbiluni kwako, se u na ziva zumbelo yo biha.

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”