Mtuletelo 16:8 - Bhiblia Yo Sawuleka

⁸ Ngelozi ya wumune yi to theketa digombe da yona txitimwi ka ditambo; se dona di ningilwe kuhisa vathu ngu mndilo wa dona.

Mtuletelo 16:8 Referans Kwoze

Mtuletelo 14:18

Se yimwani ngelozi yi ku ni mtamo ka mndilo, yi to huma ngu ka txiluvelo, yi kwangula ngu dipswi da hombe ka yile yi nga ti ni sikela yo lotwa, yi txi kha yona: “Teka sikela yako yo lotwa, u txi wilela sizangwe sa m'vhinya wa ha mafuni, nguko mauvha a wona ma vitute.”

Mithumo 2:20

Ditambo di na hinduka di maha txidema, mtxima wu na hinduka wu maha mnoha di sinzi kuhoka ditshiku da Mkoma, ditshiku da hombe do tala ngu wudhumo.

Matewu 13:6

Aniko mbimo yi ditambo di nga huma, mbewu yi to hya ngu lisani, yi oma, nguko yi si nga ni mikuluti.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Mtuletelo 9:2

se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Mtuletelo 7:16

Kha va na mbiswa va txi pfa nzala, kha va na mbiswa va txi pfa ditora, kha va na mbiswa va txi pfa kuhisa ka ditambo kumbe lisani.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.