Mtuletelo 16:7 - Bhiblia Yo Sawuleka

⁷ Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Mtuletelo 16:7 Referans Kwoze

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 6:9

Mbimo yi Txinvutana txi nga kwamula txixambanyo txa wutxhanu, ni to wona, hahatshi ka txiluvelo, mimoya ya vale va nga dawa ngu mhaka ya dipswi da Txizimu ni mhaka ya kuwa va ngadi fakazela.

Isaya 6:6

Aniko dimwedo da maserafima di to ni purumela di ti ni dikala da mndilo manzani, di nga teka ngu dibanzi txiluveloni.

Mtuletelo 14:18

Se yimwani ngelozi yi ku ni mtamo ka mndilo, yi to huma ngu ka txiluvelo, yi kwangula ngu dipswi da hombe ka yile yi nga ti ni sikela yo lotwa, yi txi kha yona: “Teka sikela yako yo lotwa, u txi wilela sizangwe sa m'vhinya wa ha mafuni, nguko mauvha a wona ma vitute.”

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Ezekhiyele 10:7

Sekoko dikerubhima dimwedo di to nawuluta dianza ngu hagari ka mamwani makerubhima, ka mndilo wule wu nga ti ti hagari ka makerubhima; se di to hala di txi wu thela manzani ka wule a nga ti ambate sa linyu, ene a to wu amukela e huma.

Ezekhiyele 10:2

Se a to womba ka wamwamna wule wo ambala sa linyu, a txi khene: Pinda ngu hagari ka madangarita, kala hahatshi ka dikerubhima, u tata manza ngu makala o tura hagari ka makerubhima, se maxwaye didhoropani. Se ene a to wulela ni txi muwona.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.