Mtuletelo 16:6 - Bhiblia Yo Sawuleka

⁶ Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Mtuletelo 16:6 Referans Kwoze

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Mtuletelo 18:24

Se mndani kwako ku manekile mnoha wa vaprofeti ni wa vasawuleki, ni wa votshe va nga dawa ha mafuni.

Mtuletelo 13:15

Txi ningilwe kambe ku wuleta moya mndani ka txithombe txa txikalani txo khata, ahawa koza txithombe txi sikota kuwombawomba ni kumaha ti to ve fa votshe vale va lambako ku khizamela txithombe txa txikalani.

2 Vafumeli 24:4

kumweko ni mnoha wo mbi na mnandu, wu nga theketwa walo, ku txi tala Jerusalema ngu mnoha wo mbi na mnandu; ngu mhaka yeto, Mkoma kha tumela ku m'divalela.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Jeremiya 26:11

Vaphaxeli ni vaprofeti va to gela tinduna ni vathu votshe, va txi kha vona: Awuwa m'thu a fanetwe ngu kufa, nguko a profetile e wukela didhoropa diya, nga ha mi nga tipfa ngu tinzeve tanu.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Eksodha 7:17

Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Eksodha 21:24

diso ngu diso, dikwasa ngu dikwasa, mkondo ngu mkondo,

Ezekhiyele 32:6

Se mafu ale u sambelako ka ona, ni na ma theletela ngu mnoha wako kala mimangoni, se milonga yi na tala ngu ngawe.