Mtuletelo 16:21 - Bhiblia Yo Sawuleka

²¹ ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Mtuletelo 16:21 Referans Kwoze

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Ezekhiyele 13:13

Ngu mhaka yeto Mkoma Txizimu a khene: Moya wo juja ngutu wu na bhanda diseta ngu kuhenya kwangu, kambe ma na wa mati a hombe ngu mu ka txiviti txangu, ni mabwinzi a hombe a maralala ngu mu ka kuhenya kwangu, kasi ku di tshokomisa.

Ezekhiyele 13:11

gela vale va kopolako ngu txitsowo u txi khawe txi na wa. Ku na wa mati a hombe, se anu mabwinzi a hombe a maralala mi na wa, ni moya wo juja ngutu wu na bhandelela diseta.

Isaya 8:21

Se va na rendelekela ditiko, ve xaniseka, ni kupfa nzala; ni mbimo yi va pfako nzala, va na henya, ve ruketela mfumeli wawe, ni Txizimu txawe, ve wonetela txitimwi.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Eksodha 9:18

Wona taku mangwana, ka mbimo yona yiya, ni na maha ti to ma txi wa mati a maralala, ngu mtamo, aawa ma si ziviko kuwa ditikoni ka Egipta, kukhukhela makhatoni ka dona kala nyamsi.

Eksodha 9:22

Sekoko Mkoma a to khene ka Mosi: “Nawuluta dianza dako u txi di komba nzumani, kasi ma txi wa mati a maralala ka ditiko dotshe da Egipta, txitimwi ka vathu, txitimwi ka sihari ni txitimwi ka mwasi wotshe mu tithembweni ni ka ditiko dotshe da Egipta.”

Jobe 38:22

Mwendo u wulete kala sisangalani ka hunguva, mwendo u woni sisangala sa maralala,

Jobe 38:23

ti to na ñola hambi mbimo ya kuxaniseka, ni ditshiku da kulwa ni da yimbi kani?