Mtuletelo 16:2 - Bhiblia Yo Sawuleka

² Ngelozi yo khata yi to huma yi theketa digombe da yona ha mafuni. Se txilonda txo biha, txo pandisa txi to humelela ka vale va nga ti ni txixambanyo txa Txikalani ni vale va nga ti khozela txithombe txa txona.

Mtuletelo 16:2 Referans Kwoze

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

Dhewuteronome 28:27

Mkoma a na kuxupha ngu silonda sa mazuku a Egipta, ni sithunye, ni txigwere, ni mathanzi, kha ku na mbi maneka wa ku kuhanyisa ka sona.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Isaya 3:17

Ngu toneto, Mkoma a na peka misungo ya mahorana a Siyoni, Mkoma a na vhunungula wumbwuri wa ona.

2 Makronika 21:18

Se msana ka totshe tiya, Mkoma a to peka Jehoramu ngu wulwati wo thisa wo mbi thumwa.

2 Makronika 21:15

Na nawe, u na lwala ngu wulwati wa hombe wa mndani, awu wu no kula kala kuza masembe ako me huma.

1 Samuwele 5:9

Se ku to maheka ti taku, kukhukhela ka kule va nga ya horoloka nado, dianza da Mkoma di to wukela didhoropa dile, ngu sikarato sa hombe ngutu; nguko a to daya vathu va didhoropa dile, kukhukhela ka wam'dotho kala ka wa hombe; kambe va to pomelwa ngu sithunye mimidini kwawe.

1 Samuwele 5:6

Aniko Mkoma a to nemetisa dianza dakwe txitimwi ka va ka Asidhodhe, e va xasela, ni ku va daya ngu sithunye, va ka Asidhodhe ni va mihinganoni kwawe.

Dhewuteronome 7:15

Mkoma a na hambukisa kwako otshe makhombo; ni yotshe mitungu yo thisa ya Egipta, ayile u yi zivako; kha na mbi yi wisa txitimwi kwako, aniko a na wisa ka vale va ku vengako.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

Masalmo 78:26

Txi to humisa ngu nzumani diphuho da wutxani se ngu mtamo wa txona txi tisa diphuho da wulambwe!

Mtuletelo 14:16

Awu a nga ti khalahatshile ha direfuni a to rumela sikela yakwe ha mafuni se mafu me elulwa.

Dhewuteronome 28:35

Mkoma a na kupeka ngu silonda sa mazuku o thisa, amu mazoloni kwako, ni mu minengeni kwako, asi u no mbi va ni kuhanya ka sona, kukhukhela sizenendeni ka mikondo yako, kala ha msungo.

Mtuletelo 13:12

Txona txi thumisa wotshe mtamo wa txikalani txo khata, madingano ni kuruma ka txona, txi txi kurumeta mafu ni votshe va va nga aka kona ti to ve khozela txikalani txo khata, atxiya txilonda txa txona txa lifo, txi nga ti holisitwe.

Mtuletelo 14:9

Yimwani ngelozi kambe, ayi ya wuraru, yi to ya masoni ngu ku ti tekeleta, ngu dipswi da hombe, yi txi kha yona: “Ngako m'thu a txi khozela txikalani ni txithombe txa txona, e amukela txixambanyo ha mbanza mwendo manzani,

Mtuletelo 16:1

Se ni to engisa dipswi da hombe di txi ta ngu Dithepeleni, di txi gela tingelozi ta mtxhanu ni timbidi, di txi kha dona: “Tsulani, mi txi ya theketa txitimwi ka mafu, magombe a mtxhanu ni mambidi a kuhenya ka Txizimu.”