Mtuletelo 16:18 - Bhiblia Yo Sawuleka

¹⁸ Konako ku to humelela kukeluka ka nzuma, mapswi, singwalangwanda ni kudekadeka ka mtamo ka mafu: Kudekadeka ka hombe ngutu akuwa txima kha kuzivi kuhumelela kukhukhela m'thu a di tumbulukile ha mafuni.

Mtuletelo 16:18 Referans Kwoze

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Mtuletelo 8:5

Se ngelozi yi to teka txiwungelo yi txi tata ngu mndilo wa ha txiluveloni, yi txi vinza ha mafuni: Msana keto, ku to dhinda singwalagwanda, kupfala tihuwa, kukeluka nzumani ni kutsekatseka ka mafu.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.