Mtuletelo 16:17 - Bhiblia Yo Sawuleka

¹⁷ Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Mtuletelo 16:17 Referans Kwoze

Mtuletelo 21:6

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

Johani 19:30

Ngako Jesu a di amukete vhinagre yile, a to khene: “Totshe ti hetisekile.” Se e namisa msungo e ningela moya.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Mtuletelo 16:1

Se ni to engisa dipswi da hombe di txi ta ngu Dithepeleni, di txi gela tingelozi ta mtxhanu ni timbidi, di txi kha dona: “Tsulani, mi txi ya theketa txitimwi ka mafu, magombe a mtxhanu ni mambidi a kuhenya ka Txizimu.”

Mtuletelo 14:17

Konako yi to huma yimwani ngelozi ngu ka Dithepele di di ku nzumani, ni yona yi di ni sikela yo lotwa.

Mtuletelo 14:15

Konako yimwani ngelozi yi to huma ngu Dithepeleni, yi txi kwangula ngu dipswi da hombe ka wule a nga ti khalahatshile ha direfuni, yi txi kha yona: “Teka sikela yako u txi elula. Yi hokile mbimo ya kuelula, nguko thembwe ya mihando ya ha mafuni yi vitute.”

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”