Mtuletelo 16:16 - Bhiblia Yo Sawuleka

¹⁶ Yona mimoya yi to va tshanganisa ka wukhalo wu, ngu Txihebheru wu dhanwako ku “Armagedhoni.”

Mtuletelo 16:16 Referans Kwoze

Zakariya 12:11

Ka ditshiku dile, Jerusalema ku nava ni huwa ya hombe, nga huwa ya Hadhad-Rimoni, mkovani ka Megidhu.

Valamuli 5:19

Vafumeli va tile va txi ta lwa, vafumeli Vakanana va lwite ditikoni ka Tahanaki, mabambe ka mati a Megidhu, aniko, kha va teka simaha sa kuhonyola sa silivhela.

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Johani 19:13

Pilato, a di engisile mapswi awa, a to humisa Jesu hahanze, se e khalahatsha ha txikhaloni ka kuthethisela kona, ahawa va nga ti kudhana ku Marigwini, se ngu Txihebheru va txi i Gabbatha.

Mithumo 26:14

Konaho, hi to wela hahatshi hotshethu; se ani ni to engisa dipswi di txi womba-womba ngu Txihebheru, di txi kha dona: ‘Sawule, Sawule, u ni xanisela txani kani? Ta pandisa kwako kukhava tshoka ya mndombo.’

Johani 19:17

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

Johani 5:2

Aniya Jerusalema ku ti ni diziva do sambela ka dona, hafuhi ni Txike txa Tinvuta, adiya di dhanwako ngu Txihebheru ku i Bhetesdha. Diziva diya di ti ni mtxhanu wa sike.

Valamuli 4:7

Se Sisera, mthangeli wa dibutho da Jabhini ni na mndindela kwako, kumweko ni sikotxikani sa kona, ni dibutho da kona, txinambwanani ka Kixoni, kambe ni txi mningela manzani kwako.”

2 Makronika 35:22

Kambe Josiya kha tshembereka e wona msana; aniko a to tihunda, a txi yalwa ni Neko; kha engisa mapswi a Neko, ale ma nga huma ngu txisofuni ka Txizimu; a to ta lwa ni Neko mkovani ka Megidho.