Mtuletelo 16:15 - Bhiblia Yo Sawuleka

¹⁵ Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

Mtuletelo 16:15 Referans Kwoze

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

2 Vakorinto 5:3

kasiku hi di mndani ka yona hi si ti pfi hi sa ambala txilo.

Marku 14:38

Wonelelani mi txi khongela, kasi mi si wuleli kudukwani; moya wa ti lava, aniko mmidi wa rereka.”

Mithumo 20:31

Ngu toneto, wonelelani, na mi txi alakanya tito, wusiku ni mitshikari, mndani ka malembe mararu, kha na leka ku mi laya ngu mirongo.”

1 Vatesalonika 5:6

Ngu kota yeto, hi nga oteleni nga vamwanyani, aniko a hi ti woneleni, hi txi hanya ngu kutipimela.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Matewu 26:41

Wonelelani, mi txi khongela, kasi mi si wi kudukwani. Nguko moya wona wu tsani, aniko mmidi wa rereka.”

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Ezekhiyele 16:37

wona taku ni na sengeleta sotshe sigango sako, asile u nga patana naso, ni votshe vale u nga va randa, ni votshe vale u nga va nyenya, ni na va tshanganisa va txi kurandela ve kuwukela, ni na kombisa wumbwiri wako masoni kwawe, kasi kuve wona wumbwiri wako wotshe.

Habhakuki 2:15

Dikhombo ka wule a ningako vhinya mngana wakwe! Awe u mtshuketiselako msava wako u mlevisa, kasi kuwona wumbwiri wakwe.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Eksodha 32:25

Se Mbimo yile Mosi a nga wona ti to vathu va wekela, ngu ku kumetwa ngu Aroni, va txi sekwa ngu valala vawe,

1 Vatesalonika 5:4

Aniko anu, vanathu, kha mi nga mtemani ahawa koza mi txi nata maha ngu kukanganyiswa ngu ditshiku da kona nga kule ka dikhamba.

Mtuletelo 3:11

Na ta kunukunuku, ñolisisa ngu kutsana asi u ku naso, kasiku ni mmweyo asi thuki e kuhonyola m'bhoti wako.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”