Mtuletelo 16:14 - Bhiblia Yo Sawuleka

¹⁴ nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

Mtuletelo 16:14 Referans Kwoze

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

1 Timoti 4:1

Aniko Moya wa womba ngu kutsanisa ti to ka masiku awa ma tako vamwani va na hambana ni likholo, ve londeta mimoya yo kanganyisa ni tigondo ta vasathane.

Mtuletelo 20:8

a na huma kasiku e kanganyisa mifumo ya mune wa madhawa a mafu, Goge ni Magoge, e va tshanganisa kasiku ve lwa yimbi; mtengo wawe wu ti dingana ni kutala ka mafu a linene.

1 Johani 5:19

Athu ha tiziva ti to hi va ka Txizimu, ni ti to ditiko dotshe di mtamoni ka m'bihi.

Jakobe 3:15

nguko, wuzivi wo ngeto, kha wu ti ngu txitimwi, aniko mbuzivi wa ha mafuni; wa wuhari ni wa wusathane.

Mtuletelo 16:16

Yona mimoya yi to va tshanganisa ka wukhalo wu, ngu Txihebheru wu dhanwako ku “Armagedhoni.”

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

2 Vatesalonika 2:9

Kuta ka m'bihi ku na kombiswa ngu mithumo ya Sathani, a na va ni mitamo yotshe, ni sikombiso, ni sidiwukiso sa makuhu.

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Varoma 1:8

Kukhata na bonga Txizimu txangu ngu Jesu Kristu, nguko kukholwa kwanu ka sumwa ngu vathu va dotshe ditiko.

Mtuletelo 16:7

Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Mtuletelo 13:3

Wumwewo ka misungo ya txona wu to woneka nga wo bhaywa wu txi nga wolava kufa, kambe txilonda txile txa lifo txi to holiswa. Otshe mafu ma to londetela txikalani, ma di tate ngu kuxamala,

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Luka 2:1

Ka ale masiku, kuhumile mthetho wa Khezari Awugustu, wa bhalela ya dotshe ditiko.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Joxuwa 11:5

Votshe vafumelivo va to tshangana, ve ta gova hafuhi ni mati a Merome, kasi kutalwa ni va ka Israyeli.