Mtuletelo 16:12 - Bhiblia Yo Sawuleka

¹² Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Mtuletelo 16:12 Referans Kwoze

Mtuletelo 9:14

Dona dipswi di to gela ngelozi ya wutxhanu ni yimweyo, yi nga ti ni mpundu, di txi kha dona: “Thusa tingelozi ta mune ti ti nga sungwa mnamboni ka hombe ka Ewufrate.”

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Isaya 44:27

ni ku khani ka kutshima: Phwana! Se ani ni na phywisa minambo yako;

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Isaya 42:15

Mimango ni simangwana si na va txiwula, wotshe mwasi wa kona ni na wu omisa, minambo ni na yi maha sitondolo, se ni omisa maziva.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 7:2

Ni woni yimwani ngelozi yi txi huma ngu wutxani, yi di ni txixambanyo txa Txizimu txi txi hanyako. Yona yi to kwangula ngu dipswi da hombe ka mune wa tingelozi ti ti nga ningwa mtamo wa kuonha mafu ni linene, yi txi kha yona:

Isaya 46:11

Ni dhanako makoti kukhukhela Wutxani, ni m'thu wule a no maha kuranda kwangu, a nata ngu ditikoni ka kule; nguko ni wombile, kambe ti na mahisa toneto; ani ni tsanisile, ni na ti maha.

Mtuletelo 11:14

Dikhombo da wumbidi di pindile. Aniko, wonani, dikhombo da wuraru da ta ngu kukuluveta.

Isaya 8:7

Wona taku, Mkoma a na tisa mati a mtamo, a mnamboni, txitimwi kwawe, ngu ti to, mfumeli wa Asiriya ni wudhumo wakwe wotshe a nata ngu milonga yakwe yotshe e khulungela ka yotshe milonga yakwe;