Mtuletelo 14:6 - Bhiblia Yo Sawuleka

⁶ Ni to wona yimwani ngelozi yi nga ti puruma hagari ka mpfhuka, yi di ni Evhangeli yo mbi na makhato ni magwito, kasiku yi huwelela ka vaaki va ha mafuni, ni yotshe mifumo, totshe tixaka, totshe tidimi ni votshe vathu.

Mtuletelo 14:6 Referans Kwoze

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

Ezekhiyele 1:14

Se sihari si ti tutuma, si tshumela si wuya, kufana ni tinyangafula.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Masalmo 119:142

Kululama kwako kha ku na magwito ni mlayo wako, mbwa ditshuri yotshe mbimo.

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

Isaya 40:8

Mwasi wa oma, se siluva sa mora, aniko dipswi da Txizimu txathu da zumba kala kupinduka.

Genesisi 1:6

Se Txizimu txi to kha txona: “Ku nave ho mpfhuka hagari ka mati, kambe ku nave ho kuhambana ka mati ni mati.”

Isaya 6:2

Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona.

1 Pedro 1:25

aniko dipswi da Mkoma nda yotshe mbimo; se dipswi diya, ngu dona di mi nga txhumayelwa.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Mtuletelo 10:7

Aniko ka masiku yawa ku no engiswa dipswi da ngelozi ya wutxhanu ni timbidi, mbimo yi ngelozi yi no veta mpundu wa yona, konako msisalo wa Txizimu wu na va wu di hetisekile, madingano ni ti txona txi nga zivisa ka sithumi sa txona, i ku vaprofeti.”