Mtuletelo 14:2 - Bhiblia Yo Sawuleka

² Ni to engisa dipswi da kuta ngu nzumani, do fana ni kudhuma ka mati ni kudhinda ka txingwalangwanda txa hombe; dipswi di ni ngadi engisa di ti fana ni kutuma ka tiharipa ti txi vetwa ngu vaveti va tona.

Mtuletelo 14:2 Referans Kwoze

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Mtuletelo 1:15

Mikondo yakwe yi ti fana ni msuku, mbimo yi wu nga bhilivila ngu kuhiswa ha nyundoni; dipswi dakwe di ti fana ni diguwa da mati o tala.

Mtuletelo 15:2

Ni woni kambe txo nga Linene la ngilazi yo pataniswa ni mndilo ni va va nga xula Txikalani, ni txithombe, ni txikombiso, ni txibalo txa ditina da txona: Va ti emile txitimwi ka Linene la ngilazi na va di ñote tiharipa ta Txizimu,

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Ezekhiyele 43:2

Kuphatima ka Txizimu txa ka Israyeli ku ti ti ta ngu nzila ya wutxani; se dipswi da txona di ti nga ova diguwa da mati amangi, se mafu ma to vangamela ngu mhaka ya kuphatima ka txona.

Masalmo 33:2

Dhumisani Mkoma ngu kuveta txitende; embelelani masoni kwakwe ngu kuveta txitende txa titxhapu ta digumi.

2 Samuwele 6:5

Se Dhavhidha ni votshe va nyumba ya ka Israyeli va to tsaka masoni ka Mkoma, ni totshe tixaka ta timbila to mahwa ngu mapulango a mikepresi, ni tiharipa sitende, ni singomana, ni titshodi, ni sigovilo.

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Mtuletelo 18:22

Se kuembelela ka vaveti va tiharipa ni vaembeleli ni vaveti va misengele, ni vaveti va mipundu kha va na mbiswa ve pfala didhoropanimo; ni mmweyo wa marindi kha na mbi ngadi e maneka kwako; diguwa da txigayo kha di na mbi ngadi di pfala kwako.

Mtuletelo 11:12

Konako va to engisa dipswi da mtamo di nga txi va gela, di txi kha dona: “Kwelani kheno.” Se va to kwela veya nzumani, va di mndani ka direfu, va txi wonwa ngu valala vawe.

Mtuletelo 6:1

Se ni woni Txinvutana mbimo yi txi nga kwamula tximwetxo ka sixambanyo sa mtxhanu ni simbidi, ni engisile txivangwa txo khata txa sivangwa sile sa mune so hanya, txi txi womba-womba ngu dipswi do nga txingwalangwanda, txi txi kha txona: “Ngono!”

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Masalmo 93:4

Aniko awe, Mkoma, u ku Nyatxitimwi, u wa mtamo ngutu kupinda kudhuma ka mati; u ni mtamo ngutu kupinda mavimbi a linene.

Masalmo 92:3

ngu kuveta mbila ya digumi da makhokhoma ni haripa, ni kuembelela ngu txitende.

Masalmo 57:8

Moya wangu, wuka! Wukani awe txitende ni nawe haripa! Nyamsi ni lava kuwusa wuronga!

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

Masalmo 98:5

Embelelani tindando ka Mkoma mi txi veta mbila, mi txi veta mbila ni txitende,

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Masalmo 147:7

Embelelani ka Mkoma, mi ninga kubonga; embelelani kudhumisa ka Txizimu txathu ngu haripa.

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

1 Vakorinto 13:1

Hambi idiku no ziva kuwombawomba tidimi ta vathu ni ta tingelozi, kambe ngako ni si nga ni lirando, ni fana ni simbi yi yi ngelengetako mwendo mpundu wu wu tumako.

2 Makronika 20:28

Va to wulela Jerusalema ni Nyumbani ka Mkoma, va di ni misengele ya vaembeleli, ni tiharipa, ni mipundu.