Mtuletelo 14:15 - Bhiblia Yo Sawuleka

¹⁵ Konako yimwani ngelozi yi to huma ngu Dithepeleni, yi txi kwangula ngu dipswi da hombe ka wule a nga ti khalahatshile ha direfuni, yi txi kha yona: “Teka sikela yako u txi elula. Yi hokile mbimo ya kuelula, nguko thembwe ya mihando ya ha mafuni yi vitute.”

Mtuletelo 14:15 Referans Kwoze

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Marku 4:29

Se siyalo ngako si di vitute, kunukunuko va wuletisa sikela, nguko se i nyango ya kuelula.”

Matewu 13:39

Mlala wu a nga phaya nyasavari ngu Sathani; kuelula ngu kugumani ka ditiko; ani vaeluli ngu tingelozi.

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

Mtuletelo 14:18

Se yimwani ngelozi yi ku ni mtamo ka mndilo, yi to huma ngu ka txiluvelo, yi kwangula ngu dipswi da hombe ka yile yi nga ti ni sikela yo lotwa, yi txi kha yona: “Teka sikela yako yo lotwa, u txi wilela sizangwe sa m'vhinya wa ha mafuni, nguko mauvha a wona ma vitute.”

Matewu 13:30

Si lekeni si txi kula ngu wumbidi wa sona kala kuelulani. Se ngu txikhati txa kuelula, nata gela vaeluli ni txi khani: ‘Dulelani nyasavari, kuthanga, mi msungelela ngu tinyanda, kasi e hiswa; aniko fulaho yi theleteleni txisangalani kwangu.’ ”

Mtuletelo 16:17

Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Matewu 23:32

Ngu toneto, tatisani mpimo wa vatate vanu!

Mtuletelo 15:6

Se ku txi huma mndani ka dona mtxhanu wa tingelozi ni timbidi ti nga ti ni mtxhanu wa mitungu ni yimbidi. Ti ti ambate tinguwo ta linya ya lisima, yo khetima, ti di sungile tibhande ta nzalama ha khana ka tona.

Mtuletelo 14:14

Msana keto, ni to wona tiya: Ku ti ni direfu do basa, se txitimwi ka direfu ku ti khalahatshile m'thu wokari, wo fana ni Mwanana wa M'thu, a di ni m'bhoti wa nzalama ha msungo, se manzani kwakwe, a ti ni sikela yo lotwa.

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Mtuletelo 13:12

Txona txi thumisa wotshe mtamo wa txikalani txo khata, madingano ni kuruma ka txona, txi txi kurumeta mafu ni votshe va va nga aka kona ti to ve khozela txikalani txo khata, atxiya txilonda txa txona txa lifo, txi nga ti holisitwe.

Isaya 62:1

Ngu kuranda Siyoni kha ni na mbi malala, ngu mhaka ya kuranda Jerusalema kha ni na mbi bundama, kala kuza kuhuma kululama kwakwe kufana ni liwoningo, ni kuhanyiswa kwakwe kufana ni txisase txa mndilo.

Genesisi 15:6

Se ene a to kholwa ka Mkoma, e woneka i di m'thu wo lulama.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 14:16

Awu a nga ti khalahatshile ha direfuni a to rumela sikela yakwe ha mafuni se mafu me elulwa.

Mtuletelo 14:17

Konako yi to huma yimwani ngelozi ngu ka Dithepele di di ku nzumani, ni yona yi di ni sikela yo lotwa.