Mtuletelo 14:13 - Bhiblia Yo Sawuleka

¹³ Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

Mtuletelo 14:13 Referans Kwoze

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

1 Vatesalonika 5:10

a nga hi fela, kasiku athu, mwendo ha wonelela mwendo ha otela, hi hanya hi di patani kumweko nayo.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Mtuletelo 19:9

Ngelozi yi to ni gela yi txi kha yona: Bhala u txi khawe: “Va katekile avale va nga dhanelwa m'buso wa mtxhadho wa Txinvutana.” Yi engeta yi txi kha yona: “Aawa ngu ona mapswi a ditshuri a Txizimu.”

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Mtuletelo 6:11

Konaho, mmweyo ni mmweyo wawe a to ningwa syambalo so basa, se ve gelwa kambe ti to veya masoni ngu kuhumulanyana, kala kuza kutatiseka mtengo wa vakwawe ni vanawe, ava va no dawa nga vona.

2 Vakorinto 5:8

Athu hi ku ni kuthemba, hi navela kuhuma ka mmidi wuwa hi txi ya zumba ni Mkoma.

Mtuletelo 16:17

Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Masalmo 19:11

ya gondisa wuzivi ka txithumi txako, Mkoma, awule a yi xayisako wa mana hakhelo.

Masalmo 85:13

Kululama ku na thangela masoni ka Mkoma, kasi ku mlulamisela tinzila takwe.

1 Vatesalonika 4:14

Nguko, akuwa mi kholwako ti to Jesu a fite e tshumela a txi wuka, ngu toneto hi fanela kukholwa ti to ni vale va nga otela ngu maotelelo a Jesu, Txizimu txi na va teka kumweko nayo Jesu.

1 Vakorinto 15:18

Ngu toneto, ni vale va nga fela ka Kristu, va lovile ni vona.

Varoma 14:8

Ngako hi txi hanya, hi hanyela Mkoma; ngako hi txi fa, hi fela Mkoma. Mwendo ha hanya, mwendo ha fa, hi lumba Mkoma.

Luka 16:9

“Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mtuletelo 10:4

Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Luka 16:25

Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Dhaniyeli 12:13

Awe koko, Dhaniyeli, tsanisela kala magwito; nguko u na humula kambe u na zumba ka dikato dako, ngu magwito ka masiku.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

1 Timoti 5:24

Va ho vathu vava sionho sawe si wonekako ha kubasani, va sinzi kulamulwa, kasi sa vamwani si woneka msana keto.

1 Timoti 5:25

Kufana ni toneto, mithumo ya yinene ya ti wonekisa; hambi yile hi si yi woniko kha yi sikoti kuzumba kusisalani.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.