Mtuletelo 13:5 - Bhiblia Yo Sawuleka

⁵ Txi to ningwa txisofu kasi kuwomba mapswi o eyisa ni o ruka Txizimu, ni mtamo wo thuma mbimo ya kudingana mune wa magumi a mitxima ni mitxima yimbidi.

Mtuletelo 13:5 Referans Kwoze

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Mtuletelo 12:6

Se wamsikati e thava e tsula txiwulani, ahawa a nga ti lulamisetwe wukhalo ngu Txizimu, kasi kuve zumba ve mphamela sakudya mndani ka txipimo txa 1.260 wa masiku.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 7:11

Sekoko ni to simama ni wona, ngu mhaka ya mpfumawulo wa mapswi a hombe ma nga wombwa ngu litxheho; ni to wonetela kala kuza txihari txi txi dawa, se mmidi wa txona wu gangelwa wu ningelwa ti to wuhiswa ngu mndilo.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Mtuletelo 11:7

Mbimo yi ti no heta kufakaza ka tona, txikalani txi txi humako ngu diphalani ko hokoma txi na lwa nato, txi ti xula, txi ti daya.

Masalmo 12:3

Va fuvise, Mkoma, vakanganyisi, ni votshe vale va wombawombako ngu kutikulisa,

Dhaniyeli 8:14

Se a to khene kwangu: Kala 2.300 wa mixo ni minova, se wukhalo wo sawuleka wu na sawulekiswa.

Dhaniyeli 12:12

Va katekile avale va rinzelako kala kuva txi hoka ka 1.335 wa masiku.

2 Vatesalonika 2:3

Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Ezekhiyele 35:13

Anu mi ti mahile vahombe kwangu; ani ni ti pfite.