Mtuletelo 13:4 - Bhiblia Yo Sawuleka

⁴ vathu ve khozela mwamilambo, nguko a nga ningela wukoma ka txikalani, ngu msana ve khozela txikalani, va txi kha vona: “I mani a fanako ni txikalani kani, i mani a sikotako kulwa natxo kani?”

Mtuletelo 13:4 Referans Kwoze

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Mtuletelo 18:18

Se ngu kuwona wutshi wa kuhya kwakwe, va ti kwangula, va txi kha vona: “Ngu dihi didhoropa di di fananiswako ni Didhoropa da Hombe kani?”

Mtuletelo 13:15

Txi ningilwe kambe ku wuleta moya mndani ka txithombe txa txikalani txo khata, ahawa koza txithombe txi sikota kuwombawomba ni kumaha ti to ve fa votshe vale va lambako ku khizamela txithombe txa txikalani.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

1 Samuwele 17:24

Kambe votshe vavamna va ka Israyeli, va di woni wamwamna wule, va to tutuma va txithava ngutu,

Dhewuteronome 9:2

Vathu va kona mba hombe, kambe va laphile, mbanana va Anaki, ava u va zivako, avava u nga engisa nduma yawe, va txi kha vona: “I mani a ndi no ema, masoni ka vanana va Anaki kani?”

Isaya 46:5

I mani mi no ni fananisa nayo, niku mi na ni dinganisa ni mani, mi ni fanaisa kuva hi fana kani?

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.

Mtuletelo 13:11

Msana keto, ni to wona tximwani txikalani txi txi huma ngu mafuni: Txi ti ni titxheho timbidi nga txinvutana, kambe txi ti womba-womba nga mwamilambo.