Mtuletelo 13:2 - Bhiblia Yo Sawuleka

² Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Mtuletelo 13:2 Referans Kwoze

Mtuletelo 20:2

Ngelozi yi to ñola mwamilambo, mnyoka wa kale i ku Dhiyabhulosi mwendo Sathani yi msunga ngu txhini kasi ku e zumba 1.000 wa malembe.

Mtuletelo 17:12

“Titxheho tile ta digumi u nga ti wona digumi da vafumeli va sinziko kuamukela mfumo. Kambe vona va na amukela wukoma kota vafumeli txipimo txa txikhati tximwetxo dwe, kumweko ni txikalani.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 13:4

vathu ve khozela mwamilambo, nguko a nga ningela wukoma ka txikalani, ngu msana ve khozela txikalani, va txi kha vona: “I mani a fanako ni txikalani kani, i mani a sikotako kulwa natxo kani?”

Mtuletelo 12:15

Mnyoka wu to kosa mati o nga mnambo msana ka wamsikati, kasi ku e ndindwa ngu mswinga wa ona.

Mtuletelo 12:13

Mbimo yi a nga wona ti to a tovetwe, mwamilambo a to khata kulondisela awule wamsikati, a nga ti velekile mwanana wa m'zambi.

Mtuletelo 16:10

Ngelozi ya wutxhanu yi to theketa digombe da yona txitimwi ka txikhalo txa wukoma txa txikalani. Se mfumo wa txona wu to sala mtemani, vathu ve ti luma tidimi ngu kupandiseka;

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.

Jeremiya 13:23

Ina Muetiyopiya a nga txitxa mxowo wakwe kani? I di ku ngeto, nanu mi nga sikota kumaha tinene, anu mi nga tolovela kumaha kubiha.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Isaya 5:29

Kubhonga kwawe kufana ni ka ngonyamo; va na bhonga kufana ni singonyamwana; Ina, va na bhonga va txi ñola mipfimba yawe, kha ku na wule a no yi txhatxhisa.

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Mavingu 17:12

I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

Masalmo 22:21

Ni hulukise ka sisofu sa tingonyamo toneto; u txi ni hulukisa ka titxheho ta tinyari ta vamatune.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Habhakuki 1:8

Mahantxhi awe ma tutuma ngutu kupinda singoko, kambe mani tshofu ngutu ni wusiku kupinda maxolwa; vagadhi va ona va hangalaka ka otshe madhawa, ina, vagadhi va ona va nata ngu kule, va na puruma nga magama ma txi tutumela sakudya.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Hoseya 11:10

Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 13:12

Txona txi thumisa wotshe mtamo wa txikalani txo khata, madingano ni kuruma ka txona, txi txi kurumeta mafu ni votshe va va nga aka kona ti to ve khozela txikalani txo khata, atxiya txilonda txa txona txa lifo, txi nga ti holisitwe.