Mtuletelo 13:14 - Bhiblia Yo Sawuleka

¹⁴ Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Mtuletelo 13:14 Referans Kwoze

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Mtuletelo 16:2

Ngelozi yo khata yi to huma yi theketa digombe da yona ha mafuni. Se txilonda txo biha, txo pandisa txi to humelela ka vale va nga ti ni txixambanyo txa Txikalani ni vale va nga ti khozela txithombe txa txona.

Mtuletelo 15:2

Ni woni kambe txo nga Linene la ngilazi yo pataniswa ni mndilo ni va va nga xula Txikalani, ni txithombe, ni txikombiso, ni txibalo txa ditina da txona: Va ti emile txitimwi ka Linene la ngilazi na va di ñote tiharipa ta Txizimu,

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Mtuletelo 14:9

Yimwani ngelozi kambe, ayi ya wuraru, yi to ya masoni ngu ku ti tekeleta, ngu dipswi da hombe, yi txi kha yona: “Ngako m'thu a txi khozela txikalani ni txithombe txa txona, e amukela txixambanyo ha mbanza mwendo manzani,

Mtuletelo 13:15

Txi ningilwe kambe ku wuleta moya mndani ka txithombe txa txikalani txo khata, ahawa koza txithombe txi sikota kuwombawomba ni kumaha ti to ve fa votshe vale va lambako ku khizamela txithombe txa txikalani.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Ezekhiyele 16:17

Se u tekile singwavila sako so tshura, asile ni nga kuninga sa nzalama yangu, ni sa silivhela yangu, u txi khanda sithombe sa txiwamna, u txi maha wugango naso.

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Jobe 12:16

Mtamo ni wutxhari si ka Txizimu; mbwa Txizimu, wule a onhako, ni wule a onhisako.

2 Vafumeli 22:20

Ngu mhaka yeto, ni na kutshanganisa ni vatate vako, se awe u na vekwa ngu kuthutha dithithani kwako, maso ako kha ma na mbi wona wotshe wufenze wule ni no wu tisa ka wukhalo wuwa. Sekoko va to wuyisa xamulo yongeto ka mfumeli.

2 Vafumeli 20:7

Isaya a to engeta a txi khene: Tekani tximbwanda txo mahwa ngu makuwa. Se va to txi teka ve nameka aha ka txilonda, a so kalamuka.

Ezekhiyele 8:10

Se ni to wulela ni wona, ni mana taku, totshe tixaka ta sindindandinda, sihari so nyenyeza, ni sotshe sithombe sa nyumba ya ka Israyeli, si di pendilwe ka otshe madhawa a diseta.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Mtuletelo 13:1

Konako, ni to wona txikalani txi nga pfukula ngu lineneni, txi di ni digumi da titxheho ni mtxhanu wa misungo ni mimbidi. Txitimwi ka titxheho ku ti ni digumi da mibhoti, se txitimwi ka misungo, ku ti ni ditina do ruketela Txizimu.

Mtuletelo 16:13

Konako, ni to wona ku txi huma ngu ka mwamilambo, ni mkanani ka txikalani ni mkanani ka mprofeti wa makuhu, mimoya yiraru ya nzambwa nga makhele;

2 Makronika 18:21

Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.