Mtuletelo 13:13 - Bhiblia Yo Sawuleka

¹³ Txona txa maha sixamaliso sa hombe: Ahawa koza txi sikota kumaha ti to mndilo wu txhika ngu nzumani, wu txi wa ha mafuni, wu wonwa ngu vathu.

Mtuletelo 13:13 Referans Kwoze

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 16:14

nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

Mtuletelo 20:9

Va to huma ve hangalaka ni dotshe ditiko ve randela midhuti ya vasawuleki ni didhoropa do randeka; kambe ku to txhika mndilo ngu nzumani wu txi ta va heta.

1 Vafumeli 18:38

Sekoko wu to wa mndilo ngu ka Mkoma, wu tshokomisa mningelo ni tikhuni, marigwi ni lithulu, wu tshumela wu txi danzela ni mati a mule ka msele.

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Mtuletelo 11:5

Ngako m'thu a txi lava ku ti mahela wubihi tifakazi tile, ku na huma mndilo ngu txisofuni ka tona, awu wu no pfunulela valala va tona; inna, ngako m'thu a txi duketa ku ti mahela wubihi ngu tona ti a nga txi fanela kufisa tona.

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

Matewu 16:1

Vafarisi ni vabhali va to ta kwakwe, va ta mu duka, va txi mkombela ti to e va kombisa txidiwukiso txa kuta ngu nzumani.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Eksodha 9:11

titxhari kha ta tsana kuema masoni ka Mosi, ngu mhaka ya sijavi, nguko ni tona ti ti tshapetwe ngu sona, kufana ni votshe Vaegipta.

Eksodha 8:7

Sekoko titxhari ta ditiko da Egipta, ngu wutxhari wa tona, ti to humisa makhele ma txi hangalaka txitimwi ka dotshe ditiko da Egipta.

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.