Mtuletelo 13:12 - Bhiblia Yo Sawuleka

¹² Txona txi thumisa wotshe mtamo wa txikalani txo khata, madingano ni kuruma ka txona, txi txi kurumeta mafu ni votshe va va nga aka kona ti to ve khozela txikalani txo khata, atxiya txilonda txa txona txa lifo, txi nga ti holisitwe.

Mtuletelo 13:12 Referans Kwoze

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Mtuletelo 14:9

Yimwani ngelozi kambe, ayi ya wuraru, yi to ya masoni ngu ku ti tekeleta, ngu dipswi da hombe, yi txi kha yona: “Ngako m'thu a txi khozela txikalani ni txithombe txa txona, e amukela txixambanyo ha mbanza mwendo manzani,

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Mtuletelo 16:2

Ngelozi yo khata yi to huma yi theketa digombe da yona ha mafuni. Se txilonda txo biha, txo pandisa txi to humelela ka vale va nga ti ni txixambanyo txa Txikalani ni vale va nga ti khozela txithombe txa txona.

Mtuletelo 17:8

Txikalani txi u nga txi wona, txi ti ti ho, aniko kha txi swi txi diho; txi hafuhi ni kuhuma ngu diphalani ko hokoma, kambe txi ya kulovani: Vaaki va ha mafuni, avava matina awe ma nga mbi bhalwa dibhukuni ka wutomi, kukhukhela ditiko di tumbuluka, va na xamala mbimo yi va no wona txikalani, nguko txona txi ti ti ho, konaku kha txiswi txi diho, aniko txi na tshumela txi humelela.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.