Mtuletelo 12:9 - Bhiblia Yo Sawuleka

⁹ Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Mtuletelo 12:9 Referans Kwoze

Luka 10:18

Ene a to va gela ku khene: “Ani ni woni Sathani a txi wa nga kukeluka ka nzuma.

Johani 12:31

Se ngu yona yiya mbimo ya kulamulwa ka ditiko. Ngu kona a no tovelwa mfumi wa mafu awa.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

1 Johani 5:19

Athu ha tiziva ti to hi va ka Txizimu, ni ti to ditiko dotshe di mtamoni ka m'bihi.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Isaya 14:12

U wisile kutxani ngu nzumani, awe nyeleti ya mixo, dihorana da wuronga! U rinzisilwe kutxani hahatshi, awe m'wisi wa matiko!

Genesisi 3:1

Se mnyoka wu ti txharihile ngutu kupinda sotshe sihari sa txitinga, asi Mkoma Txizimu a nga ti si mahile. Mnyoka wu wombile ka wamsikati, wu txi kha wona: “Ina Txizimu txi wombile to mi nga dyeni muhando ni wawumwewo, ka yotshe mindonga yi yi ku thembweni muwa kani?”

Mtuletelo 12:7

Se ku to wuka yimbi nzumani: Migeli ni tingelozi takwe va lwite ni mwamilambo. Mwamilambo a lwite a di ni tingwelozi takwe,

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Isaya 65:25

Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba Mkoma.

Mtuletelo 20:8

a na huma kasiku e kanganyisa mifumo ya mune wa madhawa a mafu, Goge ni Magoge, e va tshanganisa kasiku ve lwa yimbi; mtengo wawe wu ti dingana ni kutala ka mafu a linene.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Mtuletelo 9:1

Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma,

Mtuletelo 2:24

Aniko i di anu vamwani, va Tiyatira, mi si londeteliko gondo yiya, anu mi si ziviko kueta ka Sathani, nga tona ti va wombisako tona, na mi gela ti to kha ni lavi ku mi rweka wumwani mrwalo,

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

2 Vakorinto 11:14

Kha ti xamalisi! Nguko, hambi Sathani wa txitxa e teka m'bala wa ngelozi ya liwoningo.

2 Vakorinto 2:11

Kasiku hi si kanganyiswi ngu Sathani, nguko ha ma ziva marindi akwe.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Luka 22:31

“Simoni, Simoni, wona: Sathani a kombete ku mi hehera nga kule ka fulaho.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

Luka 22:3

Se Sathani a to wulela mbiluni ka Judha, awu a dhanwako ku i Iskariyoti, i nga ti mmweyo wa vale va Digumi ni Vambidi.

Luka 8:12

Ava va ku ha nzila, ngu vale va nga pfa dipswi, se Sathani a ta thavisa dipswi timbiluni kwawe, kasi va si kholwi ni kuhanyiswa.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Matewu 4:8

Sathani a to engeta kambe e mteka a txi kwela nayo ka mmango wo lapha ngutu, e mkomba yotshe mifumo ya ditiko, ni tithomba ta yona;

Matewu 4:5

Sathani a mu tekile e tsula nayo Didhoropani ko Sawuleka, a txi ya mu veka txiroroni ka Dithepele;

Matewu 4:1

Sekoko Jesu a to yiswa txiwulani ngu Moya wo Sawuleka, kasi a txi ya dukwa ngu Sathani.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 16:14

nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

Judha 1:9

Kambe ngelozi ya hombe Migeli, mbimo yi a nga txi kanetisana ni Sathani ngu mhaka ya txirumbi txa Mosi, kha tsana kuwomba dipswi da kumruka, aniko a to gwitela kuwomba, a txi khene: “Mkoma a na ku kawuke!”

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

1 Timoti 2:14

Kambe hi nga Adhamu a nga kanganyiswa, aniko i Evha a nga kanganyiswa e wa txionhoni.

2 Vatesalonika 2:3

Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Johani 16:11

ngu ka kuabanisa, nguko mfumeli wa mafu awa se a abanisilwe.

Johani 14:30

Kha ni na mbi womba-womba to tala ni nanu, nguko awu a fumako, wa mafu awa wata. Kambe kha nga ni mtamo wa txilo txitimwi kwangu.

Luka 13:16

Ina awuwa wamsikati, i ku mwanana wa Abrahamu, awu a nga ti sungilwe ngu Sathani ngu malembe a digumi ni mtxhanu ni mararu, ti sa fanela ku e thukunyulwa ngu ditshiku da Sabbata kani?”

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 13:39

Mlala wu a nga phaya nyasavari ngu Sathani; kuelula ngu kugumani ka ditiko; ani vaeluli ngu tingelozi.

1 Makronika 21:1

Sekoko Sathani a to wukela va ka Israyeli, e kujetela Dhavhidha kubala va ka Israyeli.

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Ezekhiyele 28:16

Ngu kutala ka wukwewu wako, mndani kwako ku to tala ngu timboyinga, se u txi onha; ngu kumaha keto ni na kutshotsha u dinyenyezile hahanze ka mmango wa Txizimu; kambe ni na kulovisa, awe dikerubhima do vhikela, hagari ka marigwi o phatimisa ku nga mndilo.

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Masalmo 109:6

Awe Txizimu, veka muonhi txitimwi ka mlala wangu, se Sathani a na eme ka didhawa dakwe da txinene.

Mtuletelo 12:8

hambiketo a xutwe, se ku si nga ngadi kumaneka wukhalo wawe nzumani.

Mtuletelo 12:12

Ngu konaho, tsaka, awe nzuma, ni motshenu mi zumbako ka yona. Dikhombo ka vale va zumbako lineneni! Nguko Dhiyabhulosi a txhikile kwanu, a di ni txiviti ngutu, ngu kuziva ti to mbimo yakwe nja yidotho.”

2 Makronika 18:21

Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.