Mtuletelo 12:11 - Bhiblia Yo Sawuleka

¹¹ Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Mtuletelo 12:11 Referans Kwoze

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

1 Johani 5:5

I mani a xulako ditiko hahanze ka wule a kholwako ti to Jesu Mwana wa Txizimu kani?

1 Vakorinto 15:57

Txi na bongwe Txizimu txi hi ningako kuxula ngu Mkoma wathu Jesu Kristu.

Mtuletelo 2:26

Ka wule a xulako, ka wule a no veketa mithumo yangu kala magwito, ni na mninga mtamo wa kufuma matiko,

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Mtuletelo 11:7

Mbimo yi ti no heta kufakaza ka tona, txikalani txi txi humako ngu diphalani ko hokoma txi na lwa nato, txi ti xula, txi ti daya.

Mtuletelo 1:2

awu a xambanyako ti to totshe ti a nga ti wona i Dipswi da Txizimu ni wufakazi wa Jesu Kristu.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Mtuletelo 6:9

Mbimo yi Txinvutana txi nga kwamula txixambanyo txa wutxhanu, ni to wona, hahatshi ka txiluvelo, mimoya ya vale va nga dawa ngu mhaka ya dipswi da Txizimu ni mhaka ya kuwa va ngadi fakazela.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Mtuletelo 12:17

Mwamilambo a di tate ngu txiviti ngu mhaka ya wamsikati, a to tsula a txi yalwa ni va va nga ti sate va liveleko lakwe, ava va veketako sirumo sa Txizimu, ve xayisa wufakazi wa Jesu.