Mtuletelo 12:10 - Bhiblia Yo Sawuleka

¹⁰ Ngu msana ni engisile dipswi da hombe da kuta ngu nzumani, di txi kha dona: “Ndiye mbimo ya kuhanyiswa, ya mtamo ni mfumo wa Txizimu txathu, ni wukoma wa Mesiya wa txona; nguko a rinzilwe hahatshi mmangaleli wa vanathu, awule a nga ti va mangalela masoni ka Txizimu wusiku ni mitshikari.

Mtuletelo 12:10 Referans Kwoze

Luka 22:31

“Simoni, Simoni, wona: Sathani a kombete ku mi hehera nga kule ka fulaho.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Jobe 1:11

Aniko hi nga nawuluta dianza dako u txi m'gwesa ngu ka sotshe sile a ku naso, u txi na wona ku mwendo kha na mbi kuruketela u txi muwona!

Jobe 1:9

Sekoko Sathani a to xamula ka Mkoma, a txi khene: Ina njithavo txa walo-walo a ku natxo Jobe ka Txizimu kani?

Mtuletelo 2:26

Ka wule a xulako, ka wule a no veketa mithumo yangu kala magwito, ni na mninga mtamo wa kufuma matiko,

2 Vakorinto 12:9

aniko, ene a ni gete ku khene: “Kateko yangu yi ku enelete. Nguko, mtamo wangu wu tikomba ngu kuhetiseka ahawa ku ku ni kutandeka.” Ngu toneto, ani ni dhunda ku ti dhumisa ngu kutandeka kwangu, kasiku ni na mana kuvhunwa ngu mtamo wa Kristu.

Luka 11:2

Jesu a to va xamula a txi khene: “Mbimo yi mi khongelako, indani khanu: ‘Tata, ditina dako di na sawulwe, wu nate kwathu mfumo wako,

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Matewu 6:10

wu nate kwathu Mfumo wako, ku na mahwe kuranda kwako, amuwa mafuni nga nzumani.

Masalmo 22:28

Nguko Txizimu i Mfumeli, ngu txona txi fumako vathu votshe.

Jobe 2:5

Sekoko hi nga nawuluta diwoko dako, um'gwesa amu ka marambu ni nyama, u na wona mwendo kha na mbi kuruketela khoheni kwako!

Titosi 2:3

Vavasikati va masungukati ni vona va fanela kuhanya ngu nzila yi yi hanelako vathu vo sawuleka; va nga mahe valumbeti kumbe ku ti maha tikhumbi ta kusela ko pindisa;

1 Vakorinto 5:4

Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu,

Masalmo 45:6

Txikhalo txako txa wukoma txi fanana ni txikhalo txa Txizimu txi txi hanyako kala kupinduka, wukoma wako wu na va mfumo wa kululama.

Mtuletelo 7:10

Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.