Mtuletelo 12:1 - Bhiblia Yo Sawuleka

¹ Se ku to woneka nzumani txidiwukiso txa hombe: Wamsikati wa kuambala ditambo, ku di ni mtxima hahatshi ka mikondo yakwe; na a di ni m'bhoti wa digumi da tinyeleti ni timbidi ha msungo kwakwe.

Mtuletelo 12:1 Referans Kwoze

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Vaefesu 5:32

Msisalo wuwa mbwa hombe: Ni womba wa kutshangana ka Kristu ni dibanza dakwe.

Isaya 62:3

Kambe u na va m'bhoti wo dhumiseka manzani ka Mkoma, ni txigoko txa wukoma manzani ka Txizimu txako.

Marku 13:25

Tinyeleti ti na wa ngu nzumani, mitamo yi yi ku nzumani yi na tsekatsekiswa.

Ndando ya Tindando 6:10

I mani wuwa a wonekisako ku nga wuronga, wo tshura nga mtxima, wa kuwoninga nga ditambo, wo thisa nga dibutho da yimbi di ku ni m'jeke kani?

Luka 21:11

Ku na humelela kuzinginikela ka hombe ka mafu, se ka makhalo amangi ku nava ni tinzala ni mitungu. Ku na humelela sidiwukiso so thisa, ni sikombiso sa hombe nzumani.

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

2 Makronika 32:31

Vathangeli va Bhabhilona va to rumela mitumi ka Ezekhiya, kuya wotisa ngu timhaka ta txidiwukiso a txi txi nga maheka ditikoni, Txizimu txi to mleka ve m'duka, kasi ku txi ziva totshe ti tiku mbiluni kwakwe.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Mtuletelo 15:1

Ni to wona kambe nzumani tximwani txikombiso txa hombe txa kuxamalisa: Mtxhanu wa tingelozi ni timbidi kumweko ni mtxhanu wa mitungu ni yimbidi, yo gwitisa, nguko ngu yona ku na hetiseka kuhenya ka Txizimu.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Zakariya 9:16

Se Mkoma, Txizimu txawe, ka ditshiku donedo, a na va hanyisa, kufana ni mtxhambi wa vathu vakwe; nga marigwi a m'bhoti, va na guletwa ditikoni kwawe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.

Matewu 12:38

Sekoko konaho vabhali vokari ni Vafarisi va to kha vona kwakwe: “M'gondisi, hi lava kuwona txikombiso txo mahwa ngu ngawe.”

Mtuletelo 21:14

Diguma da didhoropa di ti ni digumi da makhato a kuaka ni mambidi, ni txitimwi ka ona ku ti ni matina a digumi ni mambidi, a Vapostoli va Digumi ni vambidi va Txinvutana.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

2 Vakorinto 11:2

Na lusa ngu nganu, ngu txiluse txa Txizimu, nguko ni mi ningete mi wutwa ngu mwamna mmweyo, kasiku ni txi mi yisa ka Kristu nga timbiri to basa.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,