Mtuletelo 11:9 - Bhiblia Yo Sawuleka

⁹ Vathu va otshe matiko, ni totshe tixaka, ni totshe tidimi ni yotshe mifumo va na wona sirumbi sa tona mndani ka masiku mararu ni hafu, ve tsimbisa ti to si si kelelwi sirumbi sile.

Mtuletelo 11:9 Referans Kwoze

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 11:11

Kambe msana ka masiku ale a mararu ni hafu, moya wa wutomi, wa kuta ngu ka Txizimu, wu to wulela mndani ka sirumbi, se sona si khukha si ema. Se avale va nga txi si woneleta va to dhuka ni kuthava.

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

1 Vafumeli 13:22

u kuluvetete kutshumela, u ti yadya dipawu ni kusela mati ka wukhalo wule ni nga kugela ku khani: U nga dye dipawu ni kusela mati, txirumbi txako kha txi na mbi wulela ka diyiva da vatate vako.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.