Mtuletelo 11:17 - Bhiblia Yo Sawuleka

¹⁷ “Athu ha ku bonga, Mkoma Txizimu txa mtamo wotshe, awe u ku awule a kuho, ni awule a nga ti ho, nguko u amukete mtamo wako wa hombe, u khata kufuma.

Mtuletelo 11:17 Referans Kwoze

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Mtuletelo 16:5

Se ni to engisa ngelozi ya mati yi txi kha yona: “Mlulami ngawe, u kuho, awe u nga ti ho, awe Msawuleki, nguko u lamulisile toneto.”

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Mtuletelo 16:7

Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Mtuletelo 16:14

nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Luka 10:21

Ka yoneyo mbimo, Jesu a to tala ngu kutsaka, ngu Moya wo Sawuleka, a txi khene: “Na ku bonga, Tata, Mkoma wa nzuma ni mafu, nguko u sisete titxhari ni va va pimako timhaka tiya, u txi ti wonekisa ka va vavadotho. Ina, Tata, nguko u ti lavisile toneto.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

2 Vakorinto 9:15

Txi na bongwe Txizimu ngu txihiwa txa txona txo mbi balwa.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”