Mtuletelo 11:12 - Bhiblia Yo Sawuleka

¹² Konako va to engisa dipswi da mtamo di nga txi va gela, di txi kha dona: “Kwelani kheno.” Se va to kwela veya nzumani, va di mndani ka direfu, va txi wonwa ngu valala vawe.

Mtuletelo 11:12 Referans Kwoze

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

2 Vafumeli 2:11

Se mbimo yile va nga txi tsimbila na va txi bhula, ku to humelela txikotxikani txa mndilo ni mahantxhi a mndilo, si txi va dhawukanisa, se Elija a kwelisileto nzumani, ngu mu ka txihuhuri.

1 Vatesalonika 4:17

Konako, athu hi nota maneka hi txi hanya, athu hi nga sala hi nata gulwa kumweko navo hi txi yiswa marefuni, hi txi ya hingeta Mkoma txitimwi. Se ngu toneto, hi na ya zumba nayo yotshe mbimo.

Mtuletelo 12:5

Se wamsikati a to veleka mwanana wa m'zambi, awu a no fumela otshe matiko ngu ndonga ya simbi ya wukoma. Mwanana wule a tekilwe e yiswa ka Txizimu, masoni ka txikhalo txa wukoma.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Isaya 60:8

Mbamani vale vatako ngu kupuruma nga marefu, ni ku nga situvani ka mafasitela a sona kani?

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

2 Vafumeli 2:5

Sekoko vanana va vaprofeti va nga txi maneka Jeriko, va to tshuketela ka Elixa, va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Hambi ani na tiziva kha kwati eto; anu malalani.

2 Vafumeli 2:1

Ku to maheka taku mbimo yile Mkoma a nga lava kugula Elija ngu txivhunguvhungwani eya nzumani, Elija a to khukha Giligali kumweko ni Elizewu.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Isaya 14:13

Nguko u ti ti khawe mbiluni kwako: Ni na kwela ni txiya nzumani, na guleta txikhalo txangu txa wukoma, txitimwi ka tinyeleti ta Txizimu.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Masalmo 86:17

Ni mahele txikombiso txa wunene wako, kasiku valala vangu ve txi wona, ve thelwa tingana, ngako va txi wona ti to awe, Mkoma, wa ni vhuna ni ku ni tsanisa!

Masalmo 24:3

I mani a no kwela mmangoni ka Mkoma kani? I mani a nota ema nyumbani kwakwe ko sawuleka kani?

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

2 Vafumeli 2:7

Se mtxhanu wa magumi a vavamna, i ku vanana va vaprofeti, va to ema ngu masoni: Se vona ngu wumbidi wawe va to ema Jordhani.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”