Mtuletelo 10:5 - Bhiblia Yo Sawuleka

⁵ Konako, ngelozi, yi ni nga yi wona yi di emile txitimwi ka linene ni mafu, yi to guleta diwoko da txinene, yi di komba nzumani.

Mtuletelo 10:5 Referans Kwoze

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Mtuletelo 16:17

Ngelozi ya wutxhanu ni timbidi yi to theketa digombe da yona ha mpfhukani: Konako ku to huma dipswi da hombe ngu Dithepeleni, di txi kha dona: “Ti mahekile.”

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

Mtuletelo 10:2

manzani yi ti ñote txibhukwana, txo tulwa. Se yi to veka mkondo wa txinene txitimwi ka linene, ani wa txibhabha yi di wu vekile txitimwi ka mafu.

Mtuletelo 4:11

Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Vahebheru 6:13

Nguko Txizimu, ditshiku di txi nga maha txithembiso ka Abrahamu, ngako ku nga ti si nga ho mmwani wa hombe kupala txona, awu txi nga ti fanela kuxambanya ngu ngene txi xambanyile ngu ditina da txona txipune,

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Mithumo 17:23

Nguko, ngako ni txi tsimbila, ni wona magandelo anu, ni mani txiluvelo txi txi nga ti bhatwe tito: ‘Ka Txizimu txi txi si ziwiko.’ Se ani ni tela ku ta mi zivisa Txizimu txi anu mi txi gandelako mi si txi zivi.

Ezekhiyele 20:5

se va gele ku khawe: Mkoma a khene: Ka ditshiku dile ni nga sawula Israyeli, ni gulete dianza liveleko la Jakobe, ni txi ti zivanekisa kwawe, ditikoni ka Egipta, se ni guletile dianza kwawe, ni txi khani: Ani ngani Mkoma, Txizimu txanu.

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Ezekhiyele 47:14

Se di na va thomba yanu, a kheno ni kheya; nguko ni gute dianza txitimwi ka dona, kasi ku di ningela ka vatate vanu; ngu kumaha keto, edo ditiko, di na va thomba yanu.

Ezekhiyele 36:7

Ngu konaho, Mkoma Txizimu a khene: Ni guletile dianza, kasi ku vamatiko vale va nga mi randela, ve rwala tingana tawe vapune.

Ezekhiyele 20:42

Se mi na tiziva taku ani ngani Mkoma, mbimo yile ni no mi maha mi tshumelela ditikoni ka Israyeli, ka ditiko dile ni ngadi gulela dianza, kasi ku di ninga vatate vanu.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 20:23

Kambe ni va guletete dianza amu txiwulani, kasi ku va hangalasa hagari ka matiko, ni ku va theketa ha mafuni;

Ezekhiyele 20:15

Hambi keto ni guletile dianza txitimwi kwawe, amu txiwulani, kasi ni si va leki ve wulela ka ditiko dile ni nga ti ti va ningile, dile di khulungako masi ni wulombe, kambe i ku wudhundo wa matiko otshe.