Mtuletelo 10:4 - Bhiblia Yo Sawuleka

⁴ Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”

Mtuletelo 10:4 Referans Kwoze

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Dhaniyeli 8:26

Se txiwoniso txa mixo ni txa minova, txile txi nga wombwa, nja ditshuri; awe koko, lema txiwoniso, nguko msana ka masiku amangi txi na hetiseka.

Dhaniyeli 12:9

Se ene a to khene: Tsula Dhaniyeli, nguko mapswi awa mavhatwe ni kulemwa kala ka mbimo yo gwita.

Mtuletelo 22:10

Se ngelozi yi engeta yi txi kha yona: “U nga sise ngu kulema mapswi a kuprofeta ka dibhuku diya, nguko mbimo yi hafuhi.

Dhewuteronome 29:29

Simaha so sisala si lumba Mkoma, Txizimu txathu; aniko simaha si si wonekako, si lumba athu ni vanana vathu, yotshe mbimo, kasi ku hi na xayisa mapswi a mlayo wuwa.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Isaya 29:11

Ngu toneto, siwoniso sotshe kwanu, yi fana ni mapswi a dibhuku do lemwa, di ningelwako ka wu a zivako kugonda, va txi kha vona: “Wona, hi nga gonda tiya”; se ene a na khene: “Kha ni sikoti, nguko di lemilwe.”

Isaya 8:16

Sungelela wufakazi, u tsanisa mlayo hagari ka vagondiswa vangu.

Isaya 8:1

Mkoma a to khene kambe kwangu: Teka txileti txa hombe, u bhala ka txona, ngu mibhalo ya hombe, u txi khawe: Kukuluveta kuhanda, kukuluveta kuxasela.

Mtuletelo 1:19

Ngu kota yeto, bhala ati u nga ti wona, ati i ku tona ka yiya mbimo, ni ti ti na kumaheka ngu msana ka tiya.”

Mtuletelo 10:8

Dipswi di da kuta ngu nzumani ni nga ti di engisile, di to engeta di womba-womba ni nani di txi kha dona: “Tsula, inda ya teka txibhukwana txo tulwa, manzani ka ngelozi yi nga ema txitimwi ka linene ni mafu.”