Mtuletelo 10:10 - Bhiblia Yo Sawuleka

¹⁰ Ni to teka txibhukwana manzani ka ngelozi, ni txi dya; mkanani txi to lombela nga wulombe; aniko mbimo yi ni nga mita, mndani kwangu ku to bava.

Mtuletelo 10:10 Referans Kwoze

Ezekhiyele 3:3

Se a to khene kwangu: Awe mwanana wa m'thu, dyisa mrumbu wako, u tata disusu ngu dibhuku diya do petelwa ni ku ningako. Sekoko ni to didya, di ti ti tshambisa kufana ni wulombe.

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Masalmo 119:103

Mapswi ako ma tshamba ngutu; ma lombela ngutu kupinda wulombe!

Masalmo 104:34

Ndando yangu yi na tsakise Mkoma, nguko ani ni tsakela ene.

Masalmo 19:10

Milayo ya dhundeka ngutu kupinda nzalama ya ditshuri; ya lombela kupinda wulombe wa mahesa;

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Ezekhiyele 2:10

Se a to di tula masoni kwangu, dona di ti ti bhatwe mndani ni hahanze, kambe ka dona ku ti ti ni mibhalo ya sidilo, ni tihuwa ni makhombo.

Mtuletelo 10:9

Ngu konaho, ni to tsula ka ngelozi ni ya yi kombela ti to yi ni ninga txibhukwana. Yona yi to ni gela yi txi kha yona: “Txi teke u txi dya; txona txi na bava mndani kwako, kambe mkanani kwako txi na lombela nga wulombe.”

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”