Mtuletelo 10:1 - Bhiblia Yo Sawuleka

¹ Msana keto, ni to wona yimwani ngelozi ya mtamo, yi txi txhika ngu nzumani. Yi ti ambate direfu; ni wulaho wa nzumani wu di ha msungo ka yona; khohe ya yona yi ti fana ni ditambo, minenge ya yona yi ti fana ni tiphande ta mndilo,

Mtuletelo 10:1 Referans Kwoze

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Mtuletelo 5:2

Konako ni to wona ngelozi ya mtamo, yi txi nuwela ngu dipswi da hombe yi txi kha yona: “I mani a ku ni fanelo yo tula dibhuku e kwamula sixambanyo siya sa dona, kani?”

Dhaniyeli 10:6

Aniko mmidi wakwe wu ti fana ni turikeza, se khohe yakwe yi ti ti phatima kufana ni kukeluka, ni maso akwe ma ti ti fana ni sisase sa mndilo, se mawoko akwe ni mikondo yakwe si ti ti ni mxowo wo fana ni suku yo vatwa; ni dipswi da kuwombawomba kwakwe di ti fana ni dipswi da vathu votala ngutu.

Mtuletelo 4:3

Awule a nga ti khalahatshile ka txona, a ti ni khohe yo nga dirigwi da jasperi ni da sardoniya, se wulaho wa nzumani wu ti ranganyetile txikhalo txa wukoma ngu kukhetima ko nga dirigwi da esmeraldha.

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!

Masalmo 97:2

Mkoma a randetwe ngu marefu ni txidema; ditshina da mfumo wakwe ngu kululama ni fanelo.

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Mithumo 26:13

Ni di ha nzila, ngu mbimo ya dhina, mfumeli, ni to wona liwoningo la hombe, la kuta ngu nzumani, lo phatima ngutu kupinda ditambo, ali li nga ni randela kumweko ni va ni nga ti navo.

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Sidilo 3:44

U ti fenengetile ngu marefu, kasiku mkombelo wathu wu si kuhokeli.

Isaya 54:9

Nguko eto kwangu ti na fana ni ndambi ya Nowa; ni xambanyile koko ti to ndambi ya Nowa, kha yi na mbi talela kambe mafu; ngu toneto ni xambanyile ti to kha ni na mbiswa kambe ni ku henyela, hambi ku kukawuka.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Ndando ya Tindando 5:15

Minenge yakwe yi fana ni tiphande ta marigwi, ti ti nga zimekwa txitimwi ka siparako sa nzalama yo hehuka; a wonekisa ku nga Libhanoni, ni wunene nga mikedhari.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Mtuletelo 18:1

Msana ka tiya, ni to wona yimwani ngelozi yi txhika ngu nzumani; yi ti ni mtamo wa hombe, se mafu me woningwa ngu wudhumo wa yona.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Mtuletelo 20:1

Se ni to wona ngelozi yi txi txhika ngu nzumami, manzani yi di ni khiya ya diphala do hokoma ni txhini ya hombe.