Mtuletelo 1:7 - Bhiblia Yo Sawuleka

⁷ Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Mtuletelo 1:7 Referans Kwoze

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Johani 19:37

Ka wumwani wukhalo ti bhatwe kambe, va txi kha vona: “Va na wonetela awule va nga mu bhaya.”

Marku 14:62

Jesu a to xamula a txi khene: “Ngani. Kambe mi na wona Mwanana wa M'thu a di khalahatshile txineneni ka Nyamne wa Mtamo wotshe, na a txi ta ngu marefu a nzumani.”

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

1 Vatesalonika 4:17

Konako, athu hi nota maneka hi txi hanya, athu hi nga sala hi nata gulwa kumweko navo hi txi yiswa marefuni, hi txi ya hingeta Mkoma txitimwi. Se ngu toneto, hi na ya zumba nayo yotshe mbimo.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Judha 1:14

Enoki, i ku wa wutxhanu ni vambidi kukhukhela ka Adhamu, a profetile ngu vona vava, a txi khene: “Wonani, Mkoma wata kumweko ni mabutho akwe o sawuleka, a mazanazana,

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Masalmo 22:16

Timbwa koko ti ni randete; mtxawa a sigevenga wu ni randete; va ni vharulete manza ni mikondo yangu.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Masalmo 97:2

Mkoma a randetwe ngu marefu ni txidema; ditshina da mfumo wakwe ngu kululama ni fanelo.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Jobe 33:26

Sekoko a na dila ka Txizimu, txi na tsaka ngu ngene, se a na wona khohe ya txona ngu kutsaka, kambe m'thu txi na mtshumetela wululamo wakwe.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Johani 19:34

Aniko mmweyo wa masotxhwa a to mthola ha ka didhawa ngu ditxhari, se konaho ku to humela mnoha ni mati.

Mitengo 24:17

Ni na mmona, aniko na i si nga konkuwa; Ani ni na mmona aniko i si nga hafuhi; nyeleti yokari yi nata ngu ka Jakobe, ni ndonga yi na huma ngu ka Israyeli, kambe yi peka mihingano ya Vamowabhi, yi txi khundumusa votshe vanana va Sete.

Masalmo 68:1

Mbimo yi Txizimu txi wukako, valala va txona va hangalaka; avale va txi zondako va txi thava;

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Mtuletelo 22:4

Si na wona khohe ya txona, ni ditina da txona, di na bhalwa ha timbanza ka sona.

Vahebheru 6:6

se ve wa, ti to ve tshumela ve hinduka da wumbidi, nguko vona va tshumete ve bethela ha txihambanoni Mwanana wa Txizimu, ve mmaha txiruko.

Zakariya 12:11

Ka ditshiku dile, Jerusalema ku nava ni huwa ya hombe, nga huwa ya Hadhad-Rimoni, mkovani ka Megidhu.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.