Mtuletelo 1:5 - Bhiblia Yo Sawuleka

⁵ ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Mtuletelo 1:5 Referans Kwoze

Masalmo 89:27

“Ani ni na mninga tifanelo ta mwanana wa matiwula; a na fuma txitimwi ka vafumeli va ditiko.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Mithumo 26:23

ti to Kristu a na xaniswa, ni tito, ngukuva a di thangile ene e wuka ka vakufa, a fanete kunuwela liwoningo ka vathu va ditiko diya ni ka vamatiko.”

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

1 Johani 4:10

Lirando la Txizimu ngu liya: Hi nga athu hi nga randa Txizimu, txona ngu txona txi nga hi randa, txi hi rumela Mwanana wa txona, ku ta maha mhamba ya kudihela sionho sathu.

Johani 18:37

Pilato a to mu xamula, a txi khene: “Se awe u mfumeli kani?” Jesu a to xamula, a txi khene: “Ngawe u wombako ti to ani ni mfumeli! Ni velekilwe kambe ni tile ditikoni muwa, kasiku ni ta maha fakazi ya ditshuri; wuhi ni wuhi i ku wa ditshuri wa engisa dipswi dangu.”

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Vaefesu 2:4

Kambe Txizimu, txi nga tala ngu wumbilu ni lirando la hombe, ali txi nga hi randa ngu lona athu,

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

1 Vakorinto 6:11

Vamwani kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu.

Johani 15:9

“Nga kuwa Tate a nga ni randa, nanani ni mi randile. Zumbani lirandoni kwangu.

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Johani 13:34

Na mi ninga mlayo wa wuphya: Randanani! Nga ti ani ni nga mi randa, na nanu mi fanete kurandana.

Johani 3:32

a fakaza ngu ti a nga ti wona ni ti a nga tiengisa, aniko kha ku na m'thu wu a amukelako wufakazi wakwe.

Johani 3:11

Ngu ditshuri, ngu ditshuri, na kugela ku khani: Hi womba ti hi ti zivako, hi fakaza ati hi nga ti wona, aniko kha mi amukeli wufakazi wathu.

Dhewuteronome 23:5

Aniko Mkoma, Txizimu txako, kha ti lava kuengisa Bhalahamu; kambe Mkoma, Txizimu txako, a to phemberusa txiruko txi maha txikatekiso, nguko Mkoma, Txizimu txako, a txi kuranda.

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Mavingu 14:5

Fakazi ya ditshuri kha yi na kuhemba, aniko fakazi ya makuhu yi wombawombela makuhu.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Varoma 3:25

awu txona txi nga m'sikela ti to a na va i di mhamba ya kudihela sionho ngu mnoha wakwe, ka wule a kholwako kwakwe; Txizimu txi mahile tiya kasiku kombisa kululama ka txona ngu kuva txi di divalete sionho si si nga mahwa kale,

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Levhi 13:58

Aniko nguwo, ngoti, dijoke, hambi ni txihi tximaha txi nga mahwa ngu didhowo, atxi txi nga ti kuwutwe, atxi kambe txibawa txi nga pfhiteka, txi na kuwulwa ka wumbidi txi maneka txi di basile.

Dhewuteronome 18:2

Ngu kumaha keto, kha va na mbi va ni thomba hagari ka vanawe; Mkoma ngene i kuthomba yawe, nga ti ene a nga va gela.