Mtuletelo 1:18 - Bhiblia Yo Sawuleka

¹⁸ Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Mtuletelo 1:18 Referans Kwoze

Varoma 6:9

Nguko ha tiziva ti to akuwa Kristu a nga wuka ka vafi, kha na mbiswa a txi fa kambe.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Masalmo 68:20

Txizimu txathu, Njizimu txa kuhanyisa; se ka Mkoma Txizimu ku ni mtamo wo hulukisa ka lifo.

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Isaya 22:22

Se ni na veka khiya ya nyumba ya Dhavhidha ha dikatani kwakwe, se a na tula, ku si maneki ni wammweyo wo seka, a no seka, ku si maneki ni wammweyo wo tula.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Matewu 16:19

Ni na kuninga tikhiya ta Mfumo wa nzumani; txihi ni txihi u no txi sunga ha mafuni txi na sungwa ni nzumani, ani txihi ni txihi u no txi thukunyula ha mafuni txi na thukunyulwa ni nzumani.”

Mtuletelo 20:14

Lifo ni Hadhesi si to vinzwa txizivani ka mndilo. Aliya i lifo la wumbidi: Txiziva txa mndilo.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

Vahebheru 7:16

awu a nga mbi vekwa ngu mlayo wa mtumbuluko, aniko a vekwa ngu mtamo wa wutomi wakwe wo mbi guma.

2 Vakorinto 13:4

Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.

Jobe 19:25

Nguko na tiziva taku Mtiruli wangu wa hanya, niku ngu kugwitisa a na ema txitimwi ka mafu.

Mtuletelo 9:1

Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma,

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Vakolosa 3:3

nguko anu mi fite, se wutomi wanu wu sisilwe kumweko ni Kristu, ka Txizimu.

Masalmo 18:46

Hanya Mkoma! A na dhumiswe mlweli wangu! Txi na kuliswe Txizimu, Muhanyisi wangu!

Mtuletelo 5:14

Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.

1 Samuwele 2:6

Mkoma ngene a thavisako wutomi, kambe ngene a ningako; wa relelisa m'thu dithithani, se e tshumela e m'humisa ka dona.

Jobe 38:17

Mwendo ma ti tumbulekisile kwako matimba a lifo, mwendo u woni matimba a mtsudi wa lifo kani?

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Luka 24:5

Ngako va di tate ngu kuthava, vavasikati va to namisa tikhohe tawe, va txi wona hahatshi. Vavamna va to va gela va txi kha vona: “Mi lavela txani hagari ka vafi awu a hanyako, kani?

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Mtuletelo 10:6

Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo!

Mtuletelo 15:7

Tximwetxo ka sivangwa sa mune si hanyako txi to ningela ka tingelozi ta mtxhanu ni timbidi, mtxhanu wa magombe ni mambidi a nzalama, ma di tate ngu kuhenya ka Txizimu, txi txi hanyako ngu hawa ku si gumiko.

Mtuletelo 20:13

Linene li to tshumeta vafi va va nga ti ka lona. Lifo ni Hadhesi si to ningela vafi va va nga ti ka sona, se mmwani ni mmwani a to lamulwa mandingano ni mithumo yakwe.