Mtuletelo 1:17 - Bhiblia Yo Sawuleka

¹⁷ Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Mtuletelo 1:17 Referans Kwoze

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Mtuletelo 22:13

Ani ngani Alfa ni Omega, Wo khata ni Wo gwita, Makhato ni Magwito.

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Isaya 48:12

Ni engise, awe Jakobe, ni nawe Israyeli, awe ni nga ku dhana; ani ngani eneyo wammweyo, ani wo khata, ani kambe wo gwitisa.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Dhaniyeli 10:15

Se ene a txi nga txi womba-womba ni nani timhaka eto, ni to namisa khohe yangu ni malala ni txi dwe.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Matewu 28:4

Se vawoneleti, ngu ku yi thava va to dhuka va txi tsotsowolo nga va to fa.

Dhaniyeli 10:12

Sekoko a to khene kwangu: U nga thave, Dhaniyeli, nguko kukhukhela ditshiku do khata u nga tsanisa mbiluni kwako, kupfisisa ni kutiveka hahatshi masoni ka Txizimu txako, txi engisile kukombela kwako; se ani ni tile ngu mhaka ya mapswi ako.

Eksodha 20:20

Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Johani 21:20

Pedro ngako a txi tshembereka, a to wona mgondiswa wu a randwako ngu Jesu, na a txi va londisa. I ti wule a nga txi tshikila hakhana kwakwe Jesu txilaleloni, a txi mu wotisa ku khene: “Mkoma, i mani wu a no kuningela kani?”

Johani 13:23

Kambe mmwani wa vagondiswa vakwe, awuwa Jesu a mu randako, a ti khigetete hakhana ka Jesu.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Matewu 14:27

Ka txonetxo txikhati, Jesu a to va angula a txi khene: “Tsanani misana, ngani, mi nga thaveni txilo!”

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Masalmo 139:5

Awe u ni bhiyete ngu ka otshe madhawa, u sanzekile manza ako txitimwi kwangu.

Sidilo 3:57

Ditshiku dile ni nga kudhana, u tshuketile u txi ta khawe: “U nga thave.”