Mithumo 9:8 - Bhiblia Yo Sawuleka

⁸ Se Sawule a to khukha ngu hahatshi, e tula maso, kambe asi nga ngadi e wona. Va to mu ñoleta ngu diwoko ve mu wuleta Dhamasku.

Mithumo 9:8 Referans Kwoze

Mithumo 22:11

Aniko, ngako ni nga ti si woni ngu mhaka ya kutshodwa ngu kuphatima kuleya ni to hoka Dhamasku ngu kuñoletwa lisole ngu va ni nga ti navo.”

Mithumo 9:18

Konako marongo ma to moroka ngu khoheni kwakwe, se e tshumela e wona.

Mithumo 13:11

Wona, konkuwa diwoko da Mkoma di txitimwi kwako. U na maha dibhofu, se ngu mbimo yokari, khu na mbi ngadi u txi wona ditambo.” Kunukunuko, kuphuma ni txidema si to mu khubhunyeta; se e tenderukela e lava wo mu ñoleta ngu diwoko.

Genesisi 19:11

se vavamna vale va nga ti ha txikeni ka nyumba, va to va tsayisa ngu wubhofu, kukhukhela ka vavadotho kala ka vahombe, ti to va si sikoti kuwona txike.

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Genesisi 14:15

Se ene a to abanisa vathu vakwe ngu mitxawa, va txi dayela valala vawe ni wusiku, ve va khozisa, ni kuva hinga kala Hobha, wuphemba ka Dhamasku.

Mithumo 9:9

Se ku txi pinda masiku mararu na asi woni, asi dyi, asi seli txilo.

2 Vakorinto 11:32

Aniya Dhamasku, awule a nga ti fuma hahatshi ka mfumeli Aretasi, a to veka vawoneleli ha txidingeni ka didhoropa da Dhamasku, kasiku ve ni ñola.

Vagalatiya 1:17

kambe kha na kwela ni ya Jerusalema ka vale va nga ni thangela amu ka wupostoli, aniko ni to tsula Arabhiya ni tshumela ni wuya Dhamasku.