Mithumo 9:41 - Bhiblia Yo Sawuleka

⁴¹ Pedro a to mñola ngu diwoko e mu emisa, se a di dhani vasawuleki ni tinoni a to mu kombisa masoni kwawe na a txi hanya.

Mithumo 9:41 Referans Kwoze

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

Marku 1:31

Sekoko ene a to tshuketa a txi mñola ngu diwoko a txi mu wusa; txindeyandeya txi to mu leka, se ene e khata ku va thumela.

Mithumo 20:12

Dijaha dileya va to di heleketa mwani di txi hanya, se mhaka yiya yi va ninga kuthavelelwa ka hombe.

Mithumo 3:7

Ngu msana a to mñola ngu diwoko da txinene e mu emisa. Kunukunuko mikondo yakwe ni mazolo akwe me tsana.

Luka 7:15

Konako, mufi a to khalahatsha a txi khata kuwombawomba. Se Jesu a to mningela ka mame wakwe.

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Masalmo 146:9

Mkoma wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

Jobe 29:13

Txikatekiso txa wule a nga ti ti lova, txi ni hokete, se ani ni ti ti tshumela ni tsakisa mbilu ya noni.

1 Vafumeli 17:23

Se Elija a to txhika ngu txitezi ni mwanana eya mningela ka mwamwakwe nyumbani; a nje khene kha Elija: Wona! Mwanana wako wa hanya.

Genesisi 45:26

Sekoko va to m'gela va txi kha vona: “Josefa a ngadi a txi hanya, ngene a fumelako ditiko dotshe da Egipta!” Se mbilu ya Jakobe yi to dhuka, nguko a ti si kholwi ka tile va nga txi ti womba.

Mithumo 9:13

Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

Mithumo 9:32

Ngako Pedro a nga ti tsimbilatsimbila ka otshe madhawa, a to hoka ka vasawuleki va va nga ti akile ditikoni ka Lidha.

1 Timoti 5:3

Vekela txithavo tinoni, atile i ku tinoni kha ditshuri.

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.

2 Vafumeli 6:7

Se a to khene. Di teke. Sekoko wamwamna wule a to tula dianza dakwe e teketa ditxhapu.