Mithumo 9:40 - Bhiblia Yo Sawuleka

⁴⁰ Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Mithumo 9:40 Referans Kwoze

Matewu 9:25

Ngako a di humile, ene a to wulela e ñola mwanana wule ngu diwoko. Se awule wa txihoranana a to wuka.

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Luka 8:54

Aniko ene a to mñola ngu diwoko, e guleta dipswi, a txi khene: “M'horana, wuka.”

Mithumo 20:36

Ka mapswi awa, a to khizama e khongela kumweko navo votshe.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Matewu 6:6

Kambe awe, ngako u txi khongela, wulela nyumbani kwako, seka ditimba, u txi khongela ngu malengo ka Tate wako; se Tate wako a wonako ti ti ku kusisalani a na kutshumetela.”

Mithumo 28:8

Se tate Publiyo a ti ha ditahoni ngu kulwala ngu txindeyandeya ni mndani. Paulo a to tsula a txi ya mu txisela, a txi maha mkombelo ni ku msanzeka manza, se ene e kalamuka.

2 Vafumeli 20:11

Sekoko mprofeti Isaya a to khongela ka Mkoma; se a to wuyisa mtsudi ngu lipimo la digumi da mazambo, i ku mazambo ale diwatxhi da ditambo da Akazi di nga ti wekete ngu ona.