Mithumo 9:4 - Bhiblia Yo Sawuleka

⁴ Se a to wa hahatshi, e pfa dipswi di txi: “Sawule, Sawule, u ni xanisela txani?”

Mithumo 9:4 Referans Kwoze

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

1 Vakorinto 12:12

Ngu toneto, kufana ni mmidi i ku wumwewo, kambe wu ku ni sihango sasingi, asi, hambiko i ku sasingi, si mahako mmidi wawumwewo, ngu toneto nene Kristu.

Varoma 11:22

Ngu konaho, khumbuka wunene wa Txizimu, ni kukarata ka txona; Txizimu txa karata ka vale va nga wa; txi komba wunene kwako ngako u txi simama wuneneni; aniko ngako u si mahisi toneto, na nawe u na gangwa.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

Genesisi 16:8

ngelozi yi to womba ka Hagari, yi txi kha yona: “Hagari, txithumi txa Sarayi, u ta ngu hani, na u txi ya hani kani?” Ene a xamute, a txi khene: “No thava masoni ka nyamne wangu Sarayi.”

Vaefesu 5:30

nguko athu hi sihango sa mmidi wakwe.

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

Johani 21:15

Ngako va di gwitile kudya, Jesu a to wotisa ka Simoni Pedro, a txi khene: “Simoni, mwana Johani, awe wa ni randa kupinda vava kani?” Ene a xamute, a txi khene: “Mkoma, wa tiziva ti to ani na kuranda.” Jesu a to mu gela, a txi khene: “Dyisa tinvuta tangu.”

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Genesisi 3:9

Se Mkoma Txizimu a to dhana Adhamu, a txi khene: “U hani kani?”

Johani 20:16

Jesu a to mu gela ku khene: “Mariya!” Ene a to tshembereka, a txi womba ngu Txihebheru, a txi khene: “Rabbuni!” Ati ti wombako ku “M'gondisi.”

Johani 18:6

Mbimo yi Jesu a nga va gela a txi khene: “Ngani wuwa,” va to xexa ve wa ngu nyatxisane.

Luka 10:41

Aniko Mkoma a to mu xamula a txi khene: “Marta, Marta, u vilela u txi ti karata ngu sasingi;

Mitengo 16:45

Khukhani hagari ka msengeletano wuwa, ni na wu lovisa ngu mbimwanyana; sekoko Mosi ni Aroni va to wa hahatshi ngu tikhohe tawe.

Eksodha 3:4

Mkoma a woni ti to Mosi wa tenderuka kasiku eya wona. Se Txizimu txi to m'dhana txi txi kha txona: “Mosi! Mosi!” Ene a to khene: “Niho hawa.”

Mithumo 5:10

Se konaho a to wela minengeni kwakwe efa. Ngako mazambi ale ma di wulete, ma to ta mu mana a di fite, se veya mu tshotsha hafuhi ni mwamna wakwe.

Isaya 6:8

Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Mithumo 9:5

Se ene a to khene: “Ngawe mani, Mkoma kani?” Mkoma a txi khene: “Ngani Jesu, ngani wu awe u mu xanisako.