Mithumo 9:39 - Bhiblia Yo Sawuleka

³⁹ Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Mithumo 9:39 Referans Kwoze

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

1 Johani 3:18

Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.

1 Vatesalonika 4:13

Kha hi ti lavi ku mi sisela timhaka ta vale va nga otela wukohe wa lifo, ti to mi si zumbi mi txi xaniseka, nga vale va ku si nga ni txithembo.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Mithumo 9:41

Pedro a to mñola ngu diwoko e mu emisa, se a di dhani vasawuleki ni tinoni a to mu kombisa masoni kwawe na a txi hanya.

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

Johani 12:8

Nguko sikulungu si ni nanu otshe masiku, aniko ani kha mi nga ni nani otshe masiku.”

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Marku 14:8

Ene a mahile ati a nga ti kota; a songolete kutotela mafura mmidi wangu kasi ku wu longisela kuya tshotshwa.

Matewu 26:11

Kha ditshuri, sisiwana mi na va naso yotshe mbimo, kasi ani kha mi na mbi va ni nani yotshe mbimo.

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

2 Samuwele 1:24

Anu vanana vamahorana a Israyeli, dilani Sawule! Wule a nga ti ti mi ambeka syambalo so bhilivila so tsakisa, wule a nga tshurisela tinguwo tanu ngu nzalama.

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

1 Timoti 5:3

Vekela txithavo tinoni, atile i ku tinoni kha ditshuri.

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.