Mithumo 9:35 - Bhiblia Yo Sawuleka

³⁵ Se votshe va va nga aka ditikoni ka Lidha ni Saroni, ngako va txi mu wona, va to hunduluka ve kholwa ka Mkoma.

Mithumo 9:35 Referans Kwoze

Mithumo 11:21

Se diwoko da Mkoma di ti navo; vathu votala va to hunduluka ve kholwa ka Mkoma.

Mithumo 9:42

Mhakeyo yi to ziwa ngu dotshe didhoropa da Jopa, se vavangi ve kholwa ka Mkoma.

1 Makronika 5:16

Se va ti akile Gileyadhi, ni Bhasani, ni ka makhalo awe, ni ka makhalo otshe o dyisela ka ona, kona Saroni, kala ka sike sa kona.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

2 Vakorinto 3:16

Ngako va di hundulukile ve wuya ka Mkoma, ngu kona nguwo yile ya txitsivelo yi thaviswako.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

1 Makronika 27:29

Sitrayi, wa Saroni, i ti ti m'dyisi wa sifuyo kona Saroni; kambe Safati, mwana Adhilayi, i ti ti m'dyisi wa sifuyo mikovani.

Mithumo 19:20

Ngu toneto, Dipswi da Mkoma di ti anda ni kutsaniswa ngu mtamo wa hombe.

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 15:19

“Ngu konaho, ani ni lamula ti to kha ti nga ni fanelo kukarata mahedheni awa ma hundulukako me wuya ka Txizimu.

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Hoseya 12:6

Awe koko, hundulukela ka Txizimu txako; veka wunene ni kululama, kambe verela ka Txizimu txako, ngu ha ku si gwitiko.

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.

Isaya 66:8

I mani a khalako kupfa mhaka yo nga eto kani? I mani wu a khalako kuwona to fana ni tiya kani? Ina ditiko di nga sikota kuvelekwa ngu ditshiku dimwedo kani? Ku ndi na tumbunuka mafu ngu diganda dimwedo kani? Kambe Siyoni a ti ti lumwa, se a velekile vanana vakwe.

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Isaya 33:9

Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.

Isaya 31:6

Hundulukelani ka wule koko vanana va ka Israyeli va nga mtshuralela ngutu.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Dhewuteronome 4:30

Amu kukaratekani kwanu, ngako otshe makhombo awa ma txi mi humelela, ka sikhati so tala, mi na tshumelela ka Mkoma, Txizimu txako, kasi kuengisa dipswi dakwe.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

1 Makronika 8:12

Se vanana va Elipahali ngu vava: Hebheri, ni Misani, ni Semedhe; awuwa a to aka Ono, ni Lodhe, ni makhalo ale a nga ti ma fumela.

Ezra 2:33

Vanana va Lodhe, Hadhidhe ni Ono, 725.

Nehemiya 7:37

Vanana va Lodhe, ni Hadhidhe ni Ono i 721.

Nehemiya 11:35

da Lodhe ni da Ono, mkovani ka va vati.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Mithumo 9:34

Se Pedro a txi khene kwakwe: “Eneyasi! Jesu Kristu wa kuhanyisa, wuka u txi peta ditaho dako.” Kunukunuko a to wuka.